У Вялікабрытаніі рэзка скарацілася колькасць вакансій для выпускнікоў у тэхналагічнай сферы. Паводле дадзеных Інстытута студэнцкіх працадаўцаў (ISE), за год іх колькасць упала на 46%, а ў 2026 годзе чакаецца яшчэ 53-працэнтнае зніжэнне.
У Вялікабрытаніі рэзка скарацілася колькасць вакансій для выпускнікоў у тэхналагічнай сферы. Паводле дадзеных Інстытута студэнцкіх працадаўцаў (ISE), за год іх колькасць упала на 46%, а ў 2026 годзе чакаецца яшчэ 53-працэнтнае зніжэнне.
Кампаніі па-ранейшаму маюць патрэбу ў тэхнічных кадрах, але цяпер аддаюць перавагу дасведчаным супрацоўнікам замест нядаўніх выпускнікоў, якіх трэба навучаць. «Гэта складаны рынак для студэнтаў і маладых людзей у цэлым. Цякучка кадраў нізкая, і моладзь пакутуе», — заявіў сукіраўнік ISE Стывен Ішэрвуд.
У цэлым, паводле дадзеных ISE, колькасць вакансій для выпускнікоў у краіне знізілася на 8% — упершыню з часоў пандэміі 2020 года. Аднак менавіта тэхналагічны і фармацэўтычны сектары адчулі найбольшы ціск. Галоўная прычына — штучны інтэлект, які ўсё часцей выконвае працу, раней даручаную малодшым спецыялістам: рутыннае праграмаванне, аналіз дадзеных і лічбавыя аперацыі.
Парадаксальна, што пры гэтым ШІ пакуль амаль не выкарыстоўваецца ў самім працэсе найму выпускнікоў. Больш за палову кампаній аўтаматызавалі частку тэставання, але толькі 15% ужываюць ШІ для ацэнкі кандыдатаў — часцей за ўсё ў геймiфiкаваных заданнях. У той жа час 79% працадаўцаў пераглядаюць свае працэдуры, каб абараніцца ад падману з дапамогай ChatGPT і іншых інструментаў.
Эксперты папярэджваюць, што масавае замяшчэнне малодшых пазіцый ШІ можа стварыць «заганны круг»: без стартавых роляў сённяшнія выпускнікі не змогуць назапасіць досвед і стаць спецыялістамі сярэдняга ўзроўню праз некалькі гадоў.
Релоцировались? Теперь вы можете комментировать без верификации аккаунта.