iTechArt пакуль не наймае ва ўсіх офісах. І адпусціць частку супрацоўнікаў
Супрацоўнікі iTechArt атрымалі карпаратыўны мэйл ад CEO і кафаўндара Сяргея Каваленкі.
Ліст на англійскай, загаловак — «Нядаўнія падзеі ў сусветнай эканоміцы і іх уплыў на iTechArt». CEO расказвае пра прычыны крызісу ў ІТ і анансуе, што ў другім квартале 2023 года ў кампаніі:
— замарозяць найманне;
— частцы супрацоўнікаў «дазволяць сысці/не будуць утрымліваць»;
— сфакусуюцца на павелічэнні загрузкі праектамі;
— перагледзяць бюджэты на некаторыя мерапрыемствы;
— адкладуць рэбрэндынг да 16 мая, каб перачакаць валацільнасць, звязаную з банкруцтвам Silicon Valley Bank.
Гэтыя змены закрануць усе падраздзяленні iTechArt. Кампанія абяцае, што захаванне кампаніі і супрацоўнікаў у прыярытэце і што развіццё адновіцца, як толькі рынак вернецца да росту.
Свежыя ІТ-вакансіі ў адным месцы. Jobs.dev.by — зручны сэрвіс вакансій для ІТ-спецыялістаў
iTechArt Group
Займаецца распрацоўкай праграмнага забеспячэння і кансалтынгам, спецыялізуецца на вэб- і мабільным праграмаванні. Уваходзіла ў топ-500 самых хуткарослых кампаній Амерыкі, паводле версіі Financial Times, а таксама ў топ-500 тэхналагічных кампаній Паўночнай Амерыкі, якія развіваюцца хутчэй за ўсіх, паводле версіі Deloitte.
Офісы кампаніі адкрытыя ў 12 краінах. У штаце каля 3,5 тысяч супрацоўнікаў. Станам на 2021 год была другой паводле колькасці супрацоўнікаў у Беларусі пасля EPAM.
Пры канцы кастрычніка стала вядома, што iTechArt закрывае два з чатырох офісаў у Мінску, кампанія прыпыніла продажы цэнтра распрацоўкі ў Беларусі. Супрацоўнікі працягвалі працаваць на старых праектах, але новых не атрымлівалі.
А зусім нядаўна супрацоўнікі iTechArt расказалі dev.by пра скарачэнні ў польскім падраздзяленні кампаніі.
— Ад моманту прыходу ў кампанію я ўвесь час быў на бэнчы, — казаў адзін з рэлакантаў у Польшчу. — У iTechArt ёсць спецыялісты, якіх нанялі яшчэ да майго прыходу. І яны дагэтуль не схадзілі на ніводнае сумоўе. Наогул, да новага года на бэнчы сядзела шмат людзей. Кіраўніцтва запэўнівала, што пасля новага года пасыплюцца праекты. Але па факце гэтага не адбылося і людзей пачалі звальняць.
У снежні 2022 года стала вядома, што кампанія рыхтуецца да рэбрэндынгу, у тым ліку змены назвы.
Вы выдаткавалі на гэты матэрыял дзве хвіліны. Выдаткуйце яшчэ 15 секунд, калі ласка.
dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў.
Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам і ўвагай. А 170 чытачоў падтрымліваюць нас данатамі. У 2023 годзе мы хочам сабраць 1000 чытачоў-падпісчыкаў.
Дапамагчы нам можна праз Patreon.
І яшчэ крыптой, тут гаманцы.
Дзякуй, што прачыталі гэтае паведамленне.
Читать на dev.by