Кліенты FTX баяцца, што не атрымаюць сваіх грошай праз банкруцтва крыптабіржы

Паводле даных The Wall Street Journal, на пачатку лістапада FTX праз фінансавыя праблемы заблакавала вывад сродкаў з рахункаў свайго міжнароднага падраздзялення. Інвестары амерыканскага падраздзялення FTX US спадзяваліся, што паспеюць атрымаць свае грошы, але зрабіць гэтага дагэтуль не ўдалося.

Былы гендырэктар FTX Сэм Бэнкман-Фрыд заяўляў, што FTX US «не пацярпела ў фінансавым плане ад гэтага балагана» і «на 100% ліквідная». Выданне прыводзіць прыклад аднаго з кліентаў, містэра Уэя, якія вырашыў вывесці свае грошы і атрымаў у адказ аўтаматычны электронны ліст, у якім паведамлялася, што яго запыт будзе апрацаваны на працягу аднаго працоўнага дня. Праз дзесяць дзён Уэй так і не атрымаў сваіх сродкаў.

Новы гендырэктар FTX Джон Дж. Рэй III заявіў, што невядомы аб’ём лічбавых актываў FTX і іх месцазнаходжанне, бо крыптабіржа не вяла належным чынам бухулік. Ён заявіў у судзе, што «толькі частка» лічбавых актываў FTX была выяўленая і знаходзіцца пад кантролем.