«Хросны бацька» ШІ лічыць, што з-за тэхналогіі наперадзе можа быць больш войнаў
Дзякуючы ШІ чалавечыя страты сярод вайскоўцаў могуць знізіцца, і гэта вельмі турбуе «хроснага бацьку» ШІ Джэфры Хінтана. На яго думку, распаўсюджванне рабатызаваных сістэм для забойцаў не зробіць войны менш крывавымі, а наадварот выдаліць пэўны стрымліваючы фактар, бо пачынаць войны будзе менш затратна з чалавечага і палітычнага пункту гледжання.
У нядаўнім падкасце амерыканскай тэлевядучай Кэці Курык Хінтан адзначыў, што смяротнасныя аўтаномныя сістэмы ўзбраенняў, якія самі вырашаюць забіць ці пакалечыць чалавека, могуць даць перавагу багатым краінам у выпадку, калі яны захочуць напасці на бедныя.
«Важная рэч, якая стрымлівае багатыя краіны ад уварвання ў бедныя, гэта тое, што іх грамадзяне могуць вярнуцца дадому ў мяшках для трупаў. Калі ў вас ёсць аўтаномная смяротная зброя, то замест мёртвых людзей вяртацца будуць мёртвыя робаты», — патлумачыў навуковец. Менавіта гэта можа падштурхнуць урады да нападаў — і ўзбагаціць вытворцаў такой зброі.
Хінтан дадаў, што ШІ ўжо трансфармуе поле бою. Для прыкладу ён прывёў Украіну: «Дрон за $500 долараў можа знішчыць танк, які каштуе мільёны даляраў».
Ён таксама лічыць, што традыцыйнае аснашчэнне пачынае старэць. «Знішчальнікі, унутры якіх сядзяць людзі, зараз не самая разумная ідэя. Калі ў іх можна ўбудаваць ШІ, які вытрымлівае значна больш высокія нагрузкі, то можна не баяцца згубіць пілотаў», — адзначыў Хінтан.
Читать на dev.by