«Леста» ўсё растлумачыла: экстрэмісты — толькі Кіслы з Хатажаевым. Яна не

Насамрэч суд вынес рашэнне аб забароне і прызнанні экстрэмісцкай дзейнасці аб’яднання ўласнікаў Wargaming Віктара Кіслага і «Лесты» Маліка Хатажаева, а «саму групу кампаній, яе контрагентаў і кліентаў, уключаючы карыстальнікаў камп’ютарных гульняў», яно не тычыцца.

«У апошнія дні ў інтэрнэце і шэрагу СМІ, акрамя паклёпніцкай і хлуслівай інфармацыі пра нашу кампанію, побач з найменнем кампаній групы «Леста Игры» з’яўляецца візуальная маркіроўка (у выглядзе сімвала «*»), што суправаджаецца дысклеймерамі, якія ўказваюць на датычнасць да экстрэмісцкай дзейнасці.

Заяўляем афіцыйна: гэта не адпавядае рэчаіснасці і ўводзіць грамадскасць у зман.

Суд прызнаў экстрэмісцкім выключна аб’яднанне фізічных асоб. Рашэнне суда ад 03.06.2025 не змяшчае палажэнняў аб прызнанні экстрэмісцкімі саміх кампаній ТАА «Леста», ТАА «Леста Геймс Эдженси» і ТАА «Леста Геймс Москва», а таксама не распаўсюджваецца на дзейнасць групы кампаній у цэлым.

У рэзалютыўнай частцы суда пазначана:

— прызнаць экстрэмісцкім аб’яднанне фізічных асоб;

— уключыць у рэестр менавіта гэта аб’яднанне;

— звярнуць у даход дзяржавы долі названых асоб у статутным капітале трох вышэйзгаданых кампаній.

Юрыдычныя асобы групы кампаній «Леста Игры» не прызнаны экстрэмісцкімі арганізацыямі, не ліквідаваныя, не падвергнутыя забаронам ці іншым мерам. Яны працягваюць працаваць у прававым полі пад дзяржаўным кантролем (часовае кіраванне Росимущества), рэалізуюць праекты і выконваюць абавязацельствы перад карыстальнікамі і партнёрамі.

У сувязі з гэтым мы патрабуем:

1. Неадкладна выдаліць усе візуальныя і тэкставыя пазнакі (напрыклад, зорачкі, дысклеймеры і зноскі), што наўпрост або ўскосна прыпісваюць «Лесту» да забароненых арганізацый.
2. Спыніць публікацыі, што змяшчаюць звесткі, якія шкодзяць рэпутацыі юрыдычных асоб групы.
3. У выпадку працягу распаўсюджвання такіх матэрыялаў кампанія будзе вымушаная звярнуцца ў суд дзеля абароны сваёй дзелавой рэпутацыі, уключаючы пазовы аб кампенсацыі стратаў, калі такія будуць усталяваныя.

Асобна адзначаем публікацыі са сцвярджэннямі аб грашовых пераводах з боку групы кампаній «Леста Игры». Падкрэсліваем, што гэтыя звесткі не адпавядаюць рэчаіснасці, не заснаваныя на ўсталяваных судом фактах і з’яўляюцца недакладнымі.

Пра тое, на што мы насамрэч трацілі і трацім грошы, мы расказалі ва учорашнім адкрытым лісце».

«Леста» лічыць рашэнне суда несправядлівым і рыхтуе апеляцыю.