Аддзел навін 17 чэрвеня 2024, 10:46

Ліцэю БДУ прысвоілі імя Дзяржынскага

Адпаведны загад падпісала кіраўніцтва БДУ, паведамляецца ў тэлеграм-канале Ліцэя.

Яшчэ 14 сакавіка дырэктарка ліцэя Таццяна Мамчыц перадала рэктару БДУ Андрэю Каралю «калектыўны зварот супрацоўнікаў». У ім рэктара прасілі прысвоіць Ліцэю БДУ імя Дзяржынскага.

Таццяна Мамчыц была прызначаная дырэктаркай Ліцэя БДУ ў кастрычніку 2023 года. Раней яна, верагодна, працавала ў Інстытуце нацыянальнай бяспекі, які рыхтуе кадры для КДБ. Восенню 2022 года КДБ праводзіў конкурс у Ліцэі БДУ. Сярод намінацый была праграма для піяру спецслужбаў.