Neuralink пачаў выпрабаванні робарукі, што кіруецца сілай думкі

Гэта першыя выпрабаванні мазгавога імпланта N1 на людзях, то-бок ухваленая рэгулятарамі прылада з’явіцца на рынку не раней, чым праз некалькі гадоў. Дзякуючы чыпу пацыенты змогуць кантраляваць робаруку. Праект мае кодавую назву Convoy.

Кампанія адзначае, што тэхналогія дасць карыстальнікам свабоду не толькі ў віртуальнай прасторы, але і ў фізічнай. Існуючы імплант Neuralink дазваляе пацыентам кіраваць курсорам на экране манітора і гуляць у відэагульні. Пакуль яго ўжывілі прынамсі двум людзям.