CNBC распавёў пра партал Laid Off, дзе людзі дзеляцца сваімі гісторыямі непрыгожых звальненняў, звязаным з гэтым болем і тым, як яны спраўляліся з узрушэннем — увогуле, усім тым, што хацелася б, але нельга напісаць на LinkedIn. Сайт запусціла супрацоўніца медыйнай сферы Мелані Эренкранц пасля таго, як сама трапіла пад скарачэнне ў 2023 годзе.
CNBC распавёў пра партал Laid Off, дзе людзі дзеляцца сваімі гісторыямі непрыгожых звальненняў, звязаным з гэтым болем і тым, як яны спраўляліся з узрушэннем — увогуле, усім тым, што хацелася б, але нельга напісаць на LinkedIn. Сайт запусціла супрацоўніца медыйнай сферы Мелані Эренкранц пасля таго, як сама трапіла пад скарачэнне ў 2023 годзе.
Цяпер штотыднёвая рассылка Laid Off налічвае больш за 7 тысяч падпісчыкаў. Большасць з іх працуюць у ІТ, затым — медыя, ахова здароўя, рэклама і рознічны гандаль.
У асноўным тут абмяркоўваюцца звальненні — праз Zoom, на групавым званку, па емейле, — што адбыліся ў 2024 годзе. Карыстальнікі Laid Off атрымліваюць магчымасць разам перажыць траўматычны досвед, знайсці сілы ставіцца да яго з гумарам, а таксама пазбавіцца ад пачуцця віны і сораму.
Эренкранц кажа, што ў апошні час у абмеркаваннях назіраецца зрух. У пачатку пандэміі людзі вучыліся аддзяляць сваю каштоўнасць як супрацоўніка ад факта звальнення, пазней яны вучыліся не баяцца распавядаць пра сваё звальненне на LinkedIn. Цяпер, адзначае Эренкранц, настроі становяцца амаль што ваяўнічымі: «Я думаю, вельмі многія цяпер адчуваюць злосць». Яна дадае, што яе стужка ў бізнес-сацсетцы запоўнена гісторыямі пра страты працы і плакатамі ад людзей, якія цяпер у актыўным пошуку. Пры гэтым у людзей «праходзіць пачуццё сораму, і пад гэтым сорамам — праведны гнеў».
Тэндэнцыя супадае з масавымі скарачэннямі «нізкапрадуктыўных» работнікаў у кампаніях кшталту Meta і Microsoft, а таксама шматлікімі звальненнямі ў дзяржаўных структурах ЗША пад той жа падставай. Калі раней людзі саромеліся казаць, што іх звольнілі, ды яшчэ і павесілі цэтлік лянівых, то цяпер былыя супрацоўнікі Марка Цукерберга і не толькі ідуць на LinkedIn, каб гучна запярэчыць: яны працавалі добрасумленна, а з імі абышліся несправядліва, не даўшы ніякіх статыстычных пацверджанняў іх непрадуктыўнасці, нягледзячы на тое, што раней яны атрымлівалі толькі станоўчыя водгукі.
Злосныя пасты ўсё часцей скіраваныя не столькі на неарганізаванасць масавых звальненняў, колькі на «топ-менеджараў, якія абясцэньваюць працу супрацоўнікаў, што лічылася важнай, або на рашэнні, якія паставілі кампаніі ў рызыкоўнае становішча і каштавалі людзям працы — прычым не тым, хто знаходзіцца на вяршыні» карпаратыўнай іерархіі.
Таксама, дадае Эренкранц, «людзі вельмі злыя на існуючую сістэму, якая павінна падтрымліваць чалавека, што застаўся без працы», і гэтая тэма абмяркоўваецца даволі шырока. Пасля звальнення многія амерыканцы і іх сем’і губляюць доступ да медыцынскага абслугоўвання, бо яно прывязана да працы.
Тым часам масавыя скарачэнні ў краіне працягваюцца. Толькі ў лютым мясцовыя працадаўцы абвясцілі пра звальненне 172 тысяч чалавек — гэта максімум з пандэмійнага ліпеня 2020 года. З улікам магчымай рэцэсіі і росту канкурэнцыі на рынку працы знайсці новую працу можа быць вельмі складана. Эренкранц мяркуе, што сітуацыя прымусіць некаторых людзей пераасэнсаваць сваё разуменне поспеху: камусьці, магчыма, давядзецца змяніць сферу дзейнасці або адкрыць уласную справу. Гэтыя тэмы таксама становяцца ўсё больш папулярнымі на Laid Off.
Рэлацыраваліся? Цяпер вы можаце каментаваць без верыфікацыі акаўнта.
Не прошло и 10 лет, как в США изобрели собственный итальянский сайт :)