Маск заклікаў замяніць дэмакратыю ўрадам з «высакастатусных мужчын»
Ілан Маск вырашыў прасоўваць у Х тэорыю пра тое, што «рэспубліка» з вальнадумствам магчымая толькі ў выпадку, калі рашэнні прымаюць «высакастатусныя мужчыны», а людзі, якія не могуць абараніць сябе фізічна (жанчыны і «мужчыны з нізкім узроўнем тэстастэрону») у працэсе вітацца не будуць. Рэпост скрыншота з тэорыяй, якая, верагодна, зарадзілася ў 2021 годзе на іміджбордзе 4chan, бізнэсовец зрабіў у нядзелю, расказвае The Independent.
Паводле тэорыі, напісанай ананімным карыстальнікам, адзіныя людзі, здольныя думаць свабодна, — гэта «альфа-самцы з высокім узроўнем тэстастэрону» і «анейратыпічныя людзі». Гэтыя «высакастатусныя мужчыны» маюць кіраваць «рэспублікай», створанай «толькі для тых, хто можа свабодна думаць». Слова «анейратыпічны» не існуе — як мяркуецца, аўтар паста меў на ўвазе нейраадрозных людзей.
«Цікавае назіранне», — напісаў Маск.
Падобныя тэорыі, якія прасоўваюць перавагу маскуліннасці, нярэдка крытыкуюць і лічаць сэксісцкімі, абмежавальнымі, адарванымі ад рэальнасці і таксічнымі. Звычайна яны папулярныя сярод людзей вельмі правых поглядаў. Скрыншот з тэорыяй быў выкладзены ў акаўнце AutismCapital, які часта посціць мемы, што імпануюць правым, і падтрымлівае задумы Маска.
Скрыншот ішоў з подпісам, што тэорыя «таксама вядомая як эфект Райха». Гаворка, мяркуючы з усяго, пра экс-міністра ЗША Роберта Райха. Мінулага тыдня ён напісаў для The Guardian калонку, у якой сказаў, што Маск «выйшаў з-пад кантролю» і што яго трэба спыніць. А львіная доля кантэнту, які з’явіўся ў акаўнце ў нядзелю, была прысвечаная высмейванню Райха і абароне мільярдэра.
Чаму за тэорыю выступіў Маск — таму, што падтрымлівае яе, ці таму, што ў ёй прайшліся па Райху, — незразумела.
Читать на dev.by