Маск заявіў, што супрацоўнікі X атрымаюць свае акцыі, калі дакажуць, што заслугоўваюць гэтага

Паводле даных The Verge, Маск адправіў супрацоўнікам X электронны ліст з прапановай наконт апцыёнаў кампаніі. У лісце пазначана, што X плануе размеркаваць акцыі на аснове рэзюмэ супрацоўнікаў. Гэта азначае, што працаўнікі маюць падаць кіраўніцтву аднастаронкавую справаздачу, у якой апішуць свой унёсак у развіццё кампаніі. На аснове рэзюмэ кіраўніцтва будзе прымаць рашэнне пра выплату апцыёнаў.

Выданне адзначае, што нядаўна павышэнні ў кампаніі былі адкладзеныя, і новыя правілы выплаты апцыёнаў могуць узмацніць напружанасць паміж кіраўніцтвам і персаналам. Таксама крыніцы ў кампаніі паведамілі, што X усё яшчэ вінная супрацоўнікам штогадовыя выплаты па акцыях, якія меліся адбыцца ў красавіку гэтага года. Раней Маск паабяцаў, што супрацоўнікі змогуць абнаявіць свае акцыі, аднак дагэтуль не выканаў абяцання.