Meta можа дазволіць фатаграфіі з жаночымі смочкамі ў Facebook і Instagram

У рашэнні рады гаворыцца, што палітыка кампаніі грунтуецца на бінарным поглядзе на гендар, што стварае вялікую колькасць недакладных правілаў, абмежаванняў і выключэнняў, якія «збіваюць з панталыку», а ў кантэксце трансгендарных і небінарных людзей выяўляюцца непрыдатнымі на практыцы.

Раней Instagram выдаліў два пасты трансгендарнай пары, якія ўтрымлівалі выявы з аголенымі грудзьмі, але затуленымі смочкамі. Пара звярнулася ў Наглядальную раду. Meta прызналася, што фатаграфіі былі выдаленыя памылкова, і аднавіла пасты.

Рада рэкамендавала вызначыць дакладныя правілы ў дачыненні да дарослай галізны пры ўмове, што новая палітыка будзе адпавядаць міжнародным стандартам у галіне правоў чалавек, а таксама не будзе дыскрымінаваць карыстальнікаў на падставе іх гендарнай ідэнтычнасці. Кампанія мае 60 дзён на тое, каб адрэагаваць на рэкамендацыі.

Цяпер у сацыяльных сетках Meta забаронена за шэрагам выключэнняў публікаваць выявы жаночых смочкаў. За права публікацыі аголеных жаночых грудзей ідзе шматгадовая барацьба. У 2008 годзе маці пачалі выкладаць у Facebook фота гадавання грудзьмі, пратэстуючы супраць забароны на публікацыю такіх здымкаў. У выніку Facebook скасаваў забарону на выявы груднога выгадоўвання.