Meta звольніць 600 супрацоўнікаў ШІ-падраздзялення

Паводле дадзеных Axios, скарачэнні закрануць даследчы цэнтр FAIR, прадуктовыя каманды ШІ і інфраструктурныя падраздзяленні. Новае падраздзяленне TBD Lab, якое займаецца распрацоўкай перадавых мадэляў, застанецца па-за зонай звальненняў і працягне пашырэнне.

Ва ўнутраным лісце галоўнага дырэктара Meta па ШІ Аляксандра Ванга тлумачыцца, што кампанія імкнецца зрабіць каманду больш гнуткай і эфектыўнай. «Паменшыўшы памер каманды, спатрэбіцца менш размоў для прыняцця рашэнняў, і кожны чалавек атрымае больш адказнасці і ўплыву», — напісаў ён у звароце да супрацоўнікаў.

Паводле слоў Ванга, Meta спадзяецца, што большасць звольненых спецыялістаў змогуць знайсці працу ўнутры кампаніі, і заклікае іх падаваць заяўкі на іншыя адкрытыя пазіцыі.

Па рашэнні Марка Цукерберга Meta перагладае свае ўнутраныя структуры, імкнучыся скараціць бюракратыю і паскорыць працэсы ў распрацоўцы ШІ. Цукерберг і Ван, паводле дадзеных Axios, прыйшлі да высновы, што ранейшая структура ШІ-падраздзяленняў не прыносіла чаканых прарываў і мела патрэбу ў рэструктурызацыі.

Нягледзячы на скарачэнні, Meta працягвае актыўна інвеставаць у ШІ-напрамак. Кампанія нядаўна наняла некалькіх вядомых даследчыкаў, у тым ліку былога супрацоўніка OpenAI Ананью Кумара і суза­снавальніка Thinking Machines Эндру Талоха. Таксама Meta ўклала $15 мільярдаў у партнёрства са Scale AI і распрацоўку новых мадэляў суперінтэлекту.