Meta запусціла платную верыфікацыю для Facebook і Instagram

Кошт падпіскі складае $12 на месяц, пры аплаце праз крамы App Store і Google Play цана вышэйшая і складае $15, паколькі ўлічваецца камісія пляцовак. Акрамя сіняй птушкі і верыфікацыі карыстальнік атрымлівае ўнікальныя налепкі для Stories і Reels. Для атрымання падпіскі карыстальніку мусіць быць не менш за 18 гадоў.

Для заяўкі ён мусіць адправіць фота дакумента, які засведчвае асобу. Акаўнт мусіць быць актыўным з уключанай двухфактарнай аўтэнтыфікацыяй. Пасля атрымання верыфікацыі карыстальнік не зможа мяняць імя профілю, дату нараджэння і фатаграфію без паўторнага пацверджання. Тыя, хто атрымаў сінюю птушку, не страцяць яе, нават калі не аформяць падпіскі пазней.