Microsoft: праз 5 гадоў 95% кода будзе пісаць ШІ

«У бліжэйшыя пяць гадоў 95% кода будзе генераваць штучны інтэлект», — упэўнены СТО. Гэта не азначае, што ШІ будзе цалкам выконваць распрацоўку софта — галоўнымі па-ранейшаму будуць людзі, патлумачыў ён.

Скот падкрэслівае, што ШІ не заменіць распрацоўшчыкаў, проста прафесія будзе выглядаць інакш. Ім больш не прыйдзецца ўручную пісаць кожны радок кода — сутнасць іх працы будзе заключацца ў кіраванні ШІ шляхам запытаў і інструкцый.

«Гэта створыць новы ўзровень абстракцыі. Замест таго, каб уласнаручна пісаць код, распрацоўшчыкі будуць казаць ШІ, што ім патрэбна, а ШІ будзе генераваць практычна ўвесь код», — лічыць топ-менеджар Microsoft.

Сярод буйных недахопаў сучаснага ШІ Скот адзначыў памяць. Зараз ШІ-агенты і асістэнты дрэнна запамінаюць інфармацыю з папярэдніх узаемадзеянняў з карыстальнікам. «У выпадках, калі ў агентаў ёсць памяць, яна абмежаваная», — сказаў ён, але дадаў, што ў бліжэйшыя гады сітуацыя «стане нашмат лепш». «Гэта азначае, што агент будзе больш памятаць з мінулых узаемадзеянняў і зможа падладжвацца пад вашы перавагі», — дадаў Скот.

То бок ён лічыць, што прафесія распрацоўшчыка не знікне, а трансфармуецца. Распрацоўшчыкі будуць марнаваць менш часу на руцінныя задачы напісання кода і больш — на праектаванне, пошук рашэння задач і кіраванне ШІ-працэсамі.

У кіраўніка Anthropic Дарыа Амадэя іншае меркаванне на гэты конт. Ён перакананы, што ШІ будзе генераваць амаль увесь код ужо праз год.