Microsoft прапанавала выбар супрацоўнікам, якія «не дацягваюць»: замест таго, каб патрапіць на план павышэння прадукцыйнасці з перспектывай звальнення, можна забраць некалькі акладаў і сысці па ўласным жаданні, піша Business Insider.
Microsoft прапанавала выбар супрацоўнікам, якія «не дацягваюць»: замест таго, каб патрапіць на план павышэння прадукцыйнасці з перспектывай звальнення, можна забраць некалькі акладаў і сысці па ўласным жаданні, піша Business Insider.
На мінулым тыдні кампанія разаслала менеджарам емейл, у якім паведаміла пра ўвядзенне адзінага Performance Improvement Plan (PIP). У межах гэтага плана супрацоўнікам будуць усталёўвацца канкрэтныя чаканні і тэрміны для паляпшэння прадукцыйнасці. У якасці альтэрнатывы супрацоўнікам прапануюць добраахвотна пакінуць кампанію.
У распараджэнні выдання апынуўся іншы ўнутраны дакумент, згодна з якім тым, хто вырашыць сысці, будзе выплачана сума, эквівалентная 16 тыдням аплаты працы. На роздум будзе дадзена 5 дзён. Тыя, хто абярэ план PIP, на кампенсацыю разлічваць не змогуць. BI дапускае, што па-за межамі ЗША правілы могуць адрознівацца.
Аналагічная праграма пад назвай Pivot дзейнічае ў Amazon. Супрацоўнікі, якія не адпавядаюць чаканням, могуць альбо прыкласці дадатковыя намаганні і застацца, альбо атрымаць грошы і сысці. Сістэма падвяргалася крытыцы з боку супрацоўнікаў — яе лічаць не сродкам дапамогі для прафесійнага росту, а інструментам дасягнення планаў па звальненнях, які дазваляе пазбегнуць гучных і маштабных скарачэнняў.
Релоцировались? Теперь вы можете комментировать без верификации аккаунта.
Лоуперформеры - это кто стесняется навозный код пачками в коммит отправлять?
Или менеджеры с HR поголовно?
Пользователь отредактировал комментарий 25 апреля 2025, 15:47