Кампанія прадставіла новыя Surface Pro і Surface Laptop на чыпах Snapdragon X2. Прылады амаль не змяніліся вонкава, але атрымалі магутнейшую графіку, палепшаную аўтаномнасць і функцыі для лакальнай працы са штучным інтэлектам.
Кампанія прадставіла новыя Surface Pro і Surface Laptop на чыпах Snapdragon X2. Прылады амаль не змяніліся вонкава, але атрымалі магутнейшую графіку, палепшаную аўтаномнасць і функцыі для лакальнай працы са штучным інтэлектам.
Новы Surface Pro 13 цаляў каштуе ад $1499. Паводле дадзеных Microsoft, яго графічная прадукцыйнасць вырасла да 53% у параўнанні з папярэднім пакаленнем. Прылада працуе да 15,5 гадзіны ў рэжыме лакальнага прайгравання відэа. Для мадэлі таксама даступны OLED-дысплэй, а камера атрымала разрознасць 1440p і звышшырокі вугал агляду.
Surface Laptop даступны ў версіях на 13,8 і 15 цаляў. Кошт пачынаецца ад $1599. Microsoft заяўляе, што графічная прадукцыйнасць вырасла да 58%. Час аўтаномнай працы складае да 20 гадзін у 13,8-цалевай версіі і да 19 гадзін у 15-цалевай. У старэйшай мадэлі таксама стаў больш выразны экран: частата пікселяў вырасла з 201 да 262 PPI.
Абедзве мадэлі застаюцца часткай лінейкі Copilot+ PC. У іх ёсць асобны NPU-блок для задач ШІ, які павінен паскараць лакальную апрацоўку дадзеных, семантычны пошук у Windows ды іншыя функцыі, якія не патрабуюць пастаяннага звароту да воблака.
Microsoft асобна ўказвае, што новыя Surface разлічаны на гібрыдныя ШІ-сцэнарыі: частка задач можа выконвацца прама на прыладзе, а больш цяжкія вылічэнні — у воблаку.
Яшчэ адна змена — пашыраная тактыльная адваротная сувязь. На Surface Laptop яна працуе праз тачпад, а на Surface Pro — праз Slim Pen. Напрыклад, прылада можа даваць лёгкі водгук пры замацаванні акна, працы з відэа або маляванні ў праграмах.
Новыя Surface сталі прыкметна даражэйшымі за папярэднія мадэлі. Engadget адзначае, што Surface Pro падаражэў прыкладна на $500, а Surface Laptop — на $600 у параўнанні з мінулым пакаленнем. Bloomberg піша, што павышэнне коштаў звязанае ў тым ліку з дэфіцытам памяці.
Пры гэтым клавіятура для Surface Pro па-ранейшаму не ўваходзіць у стандартную камплектацыю. У ЗША Microsoft часова прапануе яе бясплатна пры пакупцы прылады да 30 чэрвеня, але пасля заканчэння акцыі клавіятуру давядзецца купляць асобна.
Microsoft таксама робіць акцэнт на рамонтапрыдатнасці і экалагічнасці прыладаў. Корпусы новых Surface Pro і Surface Laptop выкананыя з перапрацаванага алюмінію, а ўбудаваны Surface Repair Tool дапамагае дыягнаставаць прыладу і праводзіць рамонт падтрымліваемых кампанентаў.
Пазней у 2026 годзе кампанія таксама плануе выпусціць Surface Laptop Ultra — самы магутны ноўтбук Surface у лінейцы — і Surface RTX Spark Dev Box, асобную прыладу для распрацоўшчыкаў ШІ, якім патрэбныя лакальныя вылічальныя магутнасці.
Релоцировались? Теперь вы можете комментировать без верификации аккаунта.
Пора уже делать 48 gb vram стандартом в планшетах!