Microsoft паказала першыя ўласныя АІ-чыпы

Першы чып з’яўляе сабою ASIC, аптымізаваную для АІ-задач — у прыватнасці, для навучання вялікіх моўных мадэляў і вываду даных. Ён будзе забяспечваць працу некаторых з найбуйнейшых унутраных сістэм штучнага інтэлекту ў рамках Microsoft Azure. Maia 100 вырабляюцца па 5-нм тэхпрацэсе на магутнасцях TSMC. Яны будуць выкарыстоўвацца ў спецыяльных стойках з інтэграванай сістэмай вадкаснага ахалоджвання.

Azure Cobalt 100 — працэсар агульнага прызначэння на архітэктуры Arm. Ён будзе выкарыстоўвацца ў рамках інфраструктуры Microsoft Cloud. Чып змяшчае 128 ядраў Neoverse N2 з 12-канальным кантролерам аперацыйнай памяці. Для яго таксама прадугледжанае вадкаснае ахалоджванне.