Mistral выпусціў першую мультымадальную нейрасетку

Памер мадэлі — каля 24 ГБ, яна мае 12 мільярдаў параметраў. Напрыклад, у самай вялікай АІ-мадэлі Llama 3.1 405B распрацоўкі Meta цяпер 405 мільярдаў параметраў.

Падобна да іншых мультымадальных мадэляў, такіх як сямейства Claude ад Anthropic і GPT-4o ад OpenAI, Pixtral 12В можа выконваць такія задачы, як подпісы да выяў і падлік колькасці аб’ектаў на фатаграфіі.

Pixtral 12В стварылі на аснове адной з тэкставых нейрасетак Nemo 12. Яе можна спампаваць на GitHub і Hugging Face, таксама яна стане даступная ў чат-боце Mistral.

Раней стартап паказаў Codestral — мадэль для генерацыі кода. Кампанія ў 2023 годзе прыцягнула 385 мільёнаў еўра інвестыцый, у 2024 годзе — яшчэ 600 мільёнаў. Сярод акцыянераў стартапа лічыцца Microsoft.