На айцішніцу завялі крымінальную справу за данаты
Праваабаронцы паведамляюць пра затрыманне ІТ-спецыялісткі Ксеніі Алькенавай. Мяркуючы з профілю ў лінкедзіне, да студзеня 2022 яна працавала ў кампаніі Wargaming, цяпер у пошуках працы.
Відэа з ператрусам у яе кватэры з’явілася ў тэлеграм-канале, які звязваюць з беларускімі сілавікамі.
Паведамляецца, што ў 2020–2021 гадах Ксенія нібыта заданаціла ў фонды салідарнасці праз фэйсбук 425 долараў агулам. Цяпер на яе завялі крымінальную справу за «фінансаванне экстрэмісцкай дзейнасці».
На пачатку студзеня стала вядома, што айцішнікаў, якія данацілі ў фонды, сталі выклікаць на гутаркі ў КДБ. У спісах спецслужбаў апынуліся супрацоўнікі розных кампаній, у тым ліку буйных. Супрацоўнікі спецслужбы прапаноўвалі ІТ-спецыялістам, якія прыходзілі на гутаркі, перавесці ў дзяржаўныя арганізацыі (на выбар) суму ў 10 разоў большую за данат.
Читать на dev.by