Спадчыннікі Джорджа Карліна дамовіліся з аўтарамі яго АІ-вобраза

Стваральнікі падкаста Dudesy Уіл Саса і Чад Культген пагадзіліся ў рамках міравой згоды выдаліць абразлівы кантэнт і абавязаліся не загружаць яго на хоць якую платформу. Таксама ім забаронена выкарыстоўваць голас або выяву Карліна ў будучых матэрыялах без папярэдняга ўхвалення спадчыннікаў артыста.

«Свет пачаў усведамляць сілу і патэнцыйныя небяспекі, уласцівыя інструментам штучнага інтэлекту, якія могуць імітаваць галасы, ствараць фальшывыя фатаграфіі і змяняць відэа», — заявіў Джош Шылер, адвакат, які прадстаўляе сям’ю Карліна.

Падчас судовага працэсу выказваліся сумневы, што для стварэння вобраза Карліна ўжываўся штучны інтэлект. Аднак міравая згода можа надаць упэўненасць іншым выканаўцам, якія цяпер змагаюцца з выкарыстаннем генератыўных інструментаў для імітацыі іх голасу, стылю і выгляду.