Кіраўнік Нацбанка Раман Галоўчанка заявіў, што ў Беларусі плануецца змяніць заканадаўства аб дзейнасці, звязанай з крыптаактывамі. Пра гэта ён сказаў на сустрэчы са сваім калегам з Казахстана Цімурам Сулейменавым.
Кіраўнік Нацбанка Раман Галоўчанка заявіў, што ў Беларусі плануецца змяніць заканадаўства аб дзейнасці, звязанай з крыптаактывамі. Пра гэта ён сказаў на сустрэчы са сваім калегам з Казахстана Цімурам Сулейменавым.
Беларусь адной з першых на постсавецкай прасторы сфарміравала прававое поле для працы з крыптой. Гэты сегмент фінансавага рынку дынамічна расце, адзначыў Галоўчанка, і ўжо вырас да такога ўзроўню, што можа аказваць уплыў на стабільнасць фінансавага рынку ў цэлым. Таму ў Нацбанку хочуць скарэкціраваць заканадаўства ў крыптавалютнай сферы.
«У гэтай сувязі плануецца ўдасканаліць заканадаўства, якое рэгулюе дзейнасць з крыптаактывамі — выразна вызначыць іх месца ў сістэме грамадзянскіх правоў, адназначна ўстанавіць забарону на выкарыстанне ў якасці сродку плацяжу, аптымізаваць патрабаванні да профільнага бізнесу, сфарміраваць належныя механізмы абароны яго кліентаў», — гаворыцца ў паведамленні Нацбанка ў Telegram.
Зараз адзіным законным плацежным сродкам у Беларусі з’яўляецца беларускі рубель. Але фізасобы могуць валодаць крыптавалютамі, захоўваць іх на віртуальных кашальках, майніць, абменьваць, купляць, прадаваць і дарыць. Таксама ў шэрагу выпадкаў юрасобам дазволена выкарыстоўваць крыпту для разлікаў па знешнегандлёвых угодах.
Рэлацыраваліся? Цяпер вы можаце каментаваць без верыфікацыі акаўнта.