«Прыйшоў назіральнік з выканкама». 15 самых яскравых момантаў з карпаратываў

Амаль усе, каго на карпаратыў паклікалі, пойдуць туды з радасцю. Але ёсць і такія (іх усяго 4%), хто пацягнецца на свята з-пад палкі.

Кожны чацвёрты памяняўся б з гэтымі шчасліўчыкамі месцамі — яны хочуць карпаратывіцца, але кампанія не запрашае (ці ехаць далёка). Кожны сёмы прымае адсутнасць свята са спакойнай душой: няма і не трэба.

Чаму яшчэ няма карпаратыву:

«У маёй лакацыі карпаратыву няма, бо працую як кантрактар, а не ў краіне, дзе офіс. Я магла б прыехаць на карпарат, але не асабліва хочацца».

«Ужо быў у пачатку снежня».

«Я беспрацоўны».

А вось самыя яркія ўспаміны айцішнікаў пра карпаратывы:

1. «У мінулым годзе нам дарылі ёлачныя цацкі ручной работы і хор спяваў калядныя песні — было чароўна».
2. «Не пазнаў СЕО і пацікавіўся, даўно ён у нас працуе» (мы хацелі б ведаць гэтую гісторыю ў дэталях — аўтар, напішыце ў бот, чым скончылася, калі ласка).
3. «Выступ Вольскага».
4. «У нас выступаў Ляпіс».
5. «У рэстаране прысутнічаў назіральнік з выканкама, які ўсім сваім выглядам паказваў, як ён пакутуе».
6. «Гэзэрынг каманды на Кіпры».
7. «На мой самы першы карпаратыў як +1 з сяброўкай прыйшла мая былая, мы цалаваліся на медляку, а потым занава пачалі сустракацца (зноў вельмі няўдала, з першага разу да мяне не дайшло)».
8. «Ветразевая рэгата на Заслаўскім вадасховішчы».
9. «Басейн з цёплай вадой у 2 гадзіны ночы».
10. «З-за мяне ледзь не пабілісія два калегі».
11. «Канец 2019 года, iTechArt, Чыжоўка-Арэна з Little Big у якасці хэдлайнераў. Пакуль лепшы карпаратыў, усё было зроблена, на мой погляд, на вышэйшым узроўні».
12. «Карпараты Wargaming у Мінску — гэта было нешта. Зараз не так усё. Ды і я ўжо не ў WG». (Ды і Wargaming не ў Мінску — devby).
13. «Пачынаючы з 2022 года на кожным карпараце [адчуваю] непрыемныя адчуванні ад таго, наколькі ўсё дорага-багата (ежа, напоі, алкаголь, стыльныя месцы правядзення) у спалучэнні з адгаворкамі аб прычынах адсутнасці перагляду заробкаў: маўляў, няма магчымасці, кліентаў і гэтак далей».
14. «Аднойчы кіраўніцтва ў апошні момант скінула падрыхтоўку карпарата на шараговых супрацоўнікаў, праз што да канца года ні ў каго не было настрою яго праводзіць. Людзі былі выціснутыя сваімі праблемамі, назапашанымі працоўнымі пытаннямі, а тут яшчэ ім даводзілася арганізоўваць гулянку ў даволі сціслыя тэрміны. У выніку ў многіх не хапіла сіл прыйсці і адзначыць».
15. «Карпаратыў у Партугаліі. У лістападзе перайшоў у новую кампанію як JDG на аддаленцы і паспеў трапіць на карпаратыў у снежні. Было прыемна паехаць на пару дзён з марознай Польшчы і пахадзіць па вуліцах у адной кашулі, пазнаёміцца з калегамі ўжывую. Гатавалі разам pastel de nata на майстар-класе».