Сузаснавальнік Anthropic Джэк Кларк кажа, што з развіццём ШІ-інструментаў каштоўнасць інжынераў-джуноў унутры кампаніі робіцца «крыху больш сумнеўнай». Затое попыт на дасведчаных распрацоўшчыкаў наадварот расце.
Сузаснавальнік Anthropic Джэк Кларк кажа, што з развіццём ШІ-інструментаў каштоўнасць інжынераў-джуноў унутры кампаніі робіцца «крыху больш сумнеўнай». Затое попыт на дасведчаных распрацоўшчыкаў наадварот расце.
У размове на падкасце The Ezra Klein Show ён патлумачыў, што зараз асабліва цэняцца спецыялісты з добра «наладжаным чуццём і густам» — тыя, хто ўмее прымаць архітэктурныя рашэнні і бачыць сістэму цалкам. Менавіта іх унёсак робіцца ключавым на фоне аўтаматызацыі.
Галоўны драйвер гэтых змен — мадэль Claude. Па словах Кларка, яна ўжо піша «пераважную частку» кода ў кампаніі. І калі тэмпы захаваюцца, да канца года паказчык можа наблізіцца да 99%.
Гэта не азначае, што людзей замяняюць і скарачаюць. Наадварот, інжынераў у Anthropic сёння больш, чым два гады таму, і кампанія працягвае актыўна наймаць — на сайце адкрыты дзясяткі пазіцый. Але змяняецца сам профіль задач і тое, якія спецыялісты патрэбныя.
Па меры таго як Claude бярэ на сябе ўсё больш рэалізацыі, «вузкае месца» змяшчаецца ўверх — туды, дзе патрабуецца разуменне архітэктуры, стратэгіі і складаных рашэнняў. Базавыя задачы ўсё часцей аўтаматызуюцца, і кампаніі патрэбныя людзі з вялікім досведам, каб працаваць на больш высокім узроўні.
Кларк апісвае гэта як «O-ring automation», калі адна частка працэсу аўтаматызуецца, людзі пераключаюцца на самыя складаныя і павольныя ўчасткі, паляпшаюць іх — і з часам аўтаматызацыя дабіраецца і туды. У выніку змяняецца не столькі колькасць работнікаў, колькі размеркаванне каштоўнасці — яна змяшчаецца ў бок больш складаных, стратэгічных навыкаў.
Рэлацыраваліся? Цяпер вы можаце каментаваць без верыфікацыі акаўнта.