Netflix запускае базавы тарыф з рэкламай

Сэрвіс запусціў тарыф з рэкламай у Аўстраліі, Бразіліі, Канадзе, Францыі, Германіі, Італіі, Японіі, Карэі, Мексіцы, Вялікабрытаніі, ЗША. З 10 лістапада тарыф з’явіцца ў Іспаніі. У ЗША кошт тарыфу складае $6,99 на месяц. Цана стандартнага тарыфу Netflix — $15,49, прэміум каштуе $19,99.

У базавым тарыфе фільмы і серыялы можна глядзець у якасці да 720p, некаторы кантэнт будзе недаступны праз «ліцэнзійныя абмежаванні». Таксама карыстальнікам тарыфу нельга запампоўваць кантэнт на прыладу для афлайн-прагляду. На старце тарыф будзе недаступны карыстальнікам Apple TV.

Паводле слоў аперацыйнага дырэктара сэрвісу Грэга Пітэрса, карыстальнікі будуць бачыць ад чатырох да пяці рэкламных ролікаў на гадзіну — да і падчас прагляду. Іх працягласць складзе 15-30 секунд без магчымасці пераматаць наперад або прапусціць. Microsoft выступае партнёрам па продажы рэкламы.