Nintendo Switch стала трэцяй самай прадаванай кансоллю ў гісторыі

Кампанія адгрузіла 8,2 мільёна асобнікаў Nintendo Switch. Агульныя пастаўкі кансолі дасягнулі 122,5 мільёнаў — і апярэдзілі PlayStation 4, продажы якой дасягнулі 117 мільёнаў. Такім чынам гаджат стаў трэцяй самай прадаванай кансоллю ў гісторыі, саступаючы толькі Nintendo DS (154 мільёны) і Playstation 2 (155 мільёнаў).

Агульныя продажы гульняў на Switch перавысілі 994 мільёны. Напрыклад, тыраж Pokémon Scarlet & Pokémon Violet за шэсць тыдняў ад рэлізу перавысіў 20 мільёнаў копій. Splatoon 3 пераадолела адзнаку ў 10 мільёнаў копій, а ў Bayonetta 3 — 1,04 мільёна копій. Пры гэтым кампанія знізіла прагнозы паставак кансолі і паказчыкаў на ўвесь фінансавы год.