Адукацыйная анлайн-платформа Chegg абвясціла, што вымушаная звольніць каля 22% сваіх супрацоўнікаў, або 248 чалавек. Гэта неабходна для зніжэння выдаткаў і аптымізацыі дзейнасці на фоне змененых звычак студэнтаў — яны ўсё часцей аддаюць перавагу ШІ-інструментам накшталт ChatGPT.
Адукацыйная анлайн-платформа Chegg абвясціла, што вымушаная звольніць каля 22% сваіх супрацоўнікаў, або 248 чалавек. Гэта неабходна для зніжэння выдаткаў і аптымізацыі дзейнасці на фоне змененых звычак студэнтаў — яны ўсё часцей аддаюць перавагу ШІ-інструментам накшталт ChatGPT.
Chegg прапануе паслугі абмену падручнікамі, дапамогу з хатнімі заданнямі і навучаннем. У апошнія месяцы кампанія фіксуе падзенне вэб-трафіку і прагназуе, што сітуацыя будзе толькі пагаршацца.
У кампаніі часткова вінавацяць у гэтым функцыю ШІ-падказак AI Overviews у Google, якая ўтрымлівае трафік на старонцы пошукавіка і перанакіроўвае карыстальнікаў на Gemini. Таксама да прычын адносяць іншыя ШІ-кампаніі, такія як OpenAI і Anthropic, бо яны прапануюць студэнтам бясплатныя падпіскі.
У рамках рэструктурызацыі Chegg сёлета закрые офісы ў ЗША і Канадзе, скароціць маркетынгавую актыўнасць, распрацоўку прадуктаў, а таксама агульныя і адміністрацыйныя выдаткі. Кампанія спадзяецца дзякуючы гэтаму зэканоміць $45–55 млн у гэтым годзе і $100–110 млн — у 2026 годзе.
Колькасць падпісчыкаў платформы па выніках першага квартала абрынулася на 31% — да 3,2 млн, а выручка — на 30%, да $121 млн. У лютым Chegg падала ў суд на Google, абвінаваціўшы пошукавік у зніжэнні попыту на арыгінальны кантэнт і падрыве здольнасці яго аўтараў канкурыраваць з ШІ. У лістападзе мінулага года кампанія ўжо скараціла 21% свайго штата — тады гэта было 319 супрацоўнікаў.
Рэлацыраваліся? Цяпер вы можаце каментаваць без верыфікацыі акаўнта.