OpenAI сочыць за супрацоўнікамі, таму што баіцца шпіянажу з боку Кітая

Па звестках Financial Times, OpenAI увяла строгія абмежаванні на доступ да канфідэнцыйнай інфармацыі, ізалявала ключавыя сістэмы ад інтэрнэту і ўкараніла біяметрычны кантроль доступу. У рамках новай палітыкі «information tenting» (абмежаванага інфармавання) супрацоўнікі дапускаюцца да працы толькі над тымі праектамі, да якіх у іх ёсць канкрэтны дазвол. Напрыклад, пры распрацоўцы мадэлі о1 інфармацыя аб праекце абмяркоўвалася выключна ў коле дапушчаных асоб.

Дадаткова ўзмоцнены правілы фізічнага доступу ў дата-цэнтры. У каманду бяспекі наняты спецыялісты з вайсковым досведам, уключаючы экс-супрацоўніка Palantir Дэйна Стакі і былога генерала арміі ЗША Пола Накасонэ. Хоць у OpenAI сцвярджаюць, што меры з’яўляюцца часткай доўгатэрміновай стратэгіі па абароне інтэлектуальнай уласнасці, крыніцы ўказваюць на растучую занепакоенасць спробамі шпіянажу з боку замежных дзяржаў — перш за ўсё Кітая.

Амерыканскія спецслужбы раней папярэджвалі аб магчымай дзяржаўнай падтрымцы кампаній накшталт Deepseek і звязаных з гэтым пагрозах для нацыянальнай і эканамічнай бяспекі ЗША. У адказ OpenAI абнавіла сваю Preparedness Framework — сістэму ацэнкі рызык, узмацніўшы кантроль за распрацоўкамі, здольнымі да аўтаномнага ўзнаўлення ці кібератак. Разам з Anthropic кампанія таксама праінфармавала амерыканскія ўлады аб патэнцыйных пагрозах, якія зыходзяць ад Deepseek і аналагічных гульцоў.