OpenAI дадала ў ChatGPT галасавы чат з ботам і падтрымку выяў
У найбліжэйшыя два тыдні ўладальнікі падпіскі ChatGPT атрымаюць магчымасць узаемадзейнічаць з чат-ботам з дапамогай голасу і загружаць у чат выявы.
У аснове функцыі ляжыць мадэль пераўтварэння тэксту ў маўленне. Карыстальнікі змогуць выбраць адзін з пяці галасоў, якімі з імі будзе размаўляць чат-бот. Паводле слоў крытыкаў, якія апрабавалі новую опцыю, галасы гучаць да страшнага натуральна — надта з пачуццём і роўна, у адрозненне ад асістэнтаў на смартфонах.
Таксама ChatGPT надзялілі «вачыма» — карыстальнік зможа паказаць боту, пра што кажа. Напрыклад, сфатаграфаваць змесціва свайго халадзільніка, а ChatGPT падкажа, што прыгатаваць з наяўных прадуктаў, або адправіць боту фота месца, дзе цяпер падарожнічае, і пагутарыць з ім пра тое, што тут ёсць цікавага.
Паводле слоў OpenAI, падтрымка голасу і выяў пашырыць спектр сцэнароў выкарыстання ChatGPT у паўсядзённым жыцці.
Читать на dev.by