OpenAI створыць інструмент, які забароніць выкарыстанне кантэнту для навучання АІ
Распрацоўшчык ChatGPT у адказ на шматлікія абвінавачванні ў парушэнні аўтарскіх правоў стварыў інструмент Media Manager, які дазволіць уладальнікам кантэнту адзначыць свае працы і паказаць, ці можна іх уключаць у масіў даных для даследаванняў і навучання АІ.
Кампанія плануе паказаць інструмент у 2025 годзе. Прадстаўнікі стартапа заявілі, што цяпер кампанія супрацоўнічае са «стваральнікамі кантэнту, праваўладальнікамі і рэгулятарамі» над выпрацоўкай стандарту. Гэты інструмент дазволіць алгарытмам нейрасеткі ідэнтыфікаваць тэкст, аўдыя і відэа, абароненыя аўтарскім правам, і вырашыць, ці выкарыстоўваць іх у навучанні, ці не.
Раней мноства праваўладальнікаў з розных творчых сфер абвінавацілі OpenAI у незаконным выкарыстанні іх твораў у навучанні мадэляў АІ. Паводле версіі пазоўнікаў, стартап скраў кантэнт, які затым камерцыялізаваў без выплаты кампенсацыі і згадкі зыходных публікацый.
На думку распрацоўшчыкаў OpenAI, сёння немагчыма стварыць карысныя мадэлі АІ без выкарыстання абароненых аўтарскім правам матэрыялаў. Раней стартап дазволіў мастакам выдаляць свае працы з набораў навучальных даных для генератараў выяў, а таксама ўвёў дырэктыву для файла robots.txt, якая забараняе яе пошукаваму робату капіяваць змесціва сайтаў для далейшага навучання АІ.
Читать на dev.by