У Мінску (+2 гарады) больш нельга падацца на візу PBH самастойна
Дакументы на польскую візу PBH перасталі прымаць у Мінску, Гомелі, Магілёве.
Абвестка пра новыя абмежаванні пры падачы на візы з’явілася на сайце VFS 29 лістапада:
У абвестцы гаворка толькі пра запіс на падачу, аднак чытачы dev.by кажуць, што з праблемай сутыкнуліся і тыя, хто запісаўся на PBH ў пазначаныя візавыя цэнтры незадоўга да 29 лістапада.
— Навіну апублікавалі толькі бліжэй да ночы 29-га, і ў ёй гаворыцца толькі пра запіс на падачу, — расказаў чытач. — Тэарэтычна ўсе, хто паспеў запісацца, праходзяць. Але па тэлефонах цяпер кажуць, што докі не прымуць і ў тых, хто запісаўся да 29-га.
Падобную інфармацыю размясціў і тэлеграм-канал Poland.Business Harbour_Belarus. Там падкрэсліваюць, што ў тых, хто запісаўся ў Мінск/Гомель/Магілёў, ад 28 лістапада дакументаў не прымуць.
Пры гэтым новыя абмежаванні тычацца толькі асабістай падачы. Па спісах PAIH (спісах кампаній, зацверджаных Польскім агенцтвам інвестыцый і гандлю, Polish Investment and Trade Agency) па-ранейшаму можна падавацца ўсюды.
Для падачы на PBH ў асабістым парадку цяпер застаюцца толькі Брэст, Пінск і Баранавічы. Зарэгістраваныя ў Гродзенскай вобласці таксама могуць падацца ў Гродне і Лідзе.
З пасту канала Poland. Business Harbour_Belarus:
Інфармацыя з ВЦ
1. Ці прымуць дакументы ў тых, хто запісаўся 28? — не, запіс не сапраўдны.
2. Прычына такога рашэння? — даведаліся толькі ўчора ўвечары, наконт прычыны ўдакладняць у консульстве.
3. Ці ўплывае на PAIH? — не, па паіх можна ўсюды падацца, як і раней.
4. Ці будуць на Гомель/Магілёў новыя катэгорыі, як у Мінску для пбх — пакуль што не, выдача пбх па мінскай акрузе прыпыненая на нявызначаны тэрмін.
5. Што рабіць людзям, у якіх запіс на 20е чысла і яны не могуць запісацца на Брэст? — толькі чакаць заканчэння запісу.
6. Ці будуць пераводзіць на Брэст тых, хто запісаўся? — пакуль не было такой інфармацыі, але сказалі, што такое малаверагодна.
Читать на dev.by