Раней дастаткова было быць кампетэнтным, цяпер трэба быць ідэальным: планка для кодэраў-джуноў значна ўзнялася

Тут адзначаюць супадзенне цэлага шэрагу неспрыяльных абставін для беспрацоўных інжынераў. Колькасць вакансій на рынку працы дасягнула дна ў 2023 годзе і пакуль аднавілася толькі на 40%, а кампаніі сталі вельмі пераборлівымі. Пазіцый менш, а канкурыруюць за іх інжынеры ўсіх узроўняў досведу, і прабіцца на сумоўе робіцца ўсё складаней.

Структура сумоўяў у тэхнаггантах па сутнасці амаль не змянілася, але планка па ўсіх узроўнях паднялася прыкладна на адну прыступку. Гэта значыць, з вынікам, які забяспечыў бы прэтэндэнту працу ва умоўным 2021-м годзе, цяпер можна нават не прайсці этап скрынінгу.

У вузкаспецыялізаваных напрамках сітуацыя менш напружаная. Напрыклад, у сферы ШІ і машыннага навучання. А вось ва фронтэндзе, бэкэндзе і мабільнай распрацоўцы магчымасцяў менш. Найцяжэй даводзіцца джунам, асабліва выпускнікам, якія толькі выйшлі на рынак працы. Адзін студэнт, з якім размаўляла платформа, скончыў самы прэстыжны ІТ-ВНУ з Індыі, паўгода шукаў працу, падаўся ў 100+ кампаній і не атрымаў ніводнага офера.

Раней кампаніі актыўна развівалі праграмы найму выпускнікоў, а цяпер значна іх скарацілі. Гэта небяспечна тым, што з цягам часу можа ўтварыцца прабел у прафесійным досведзе — так бы мовіць, «страчанае пакаленне» інжынераў, — што негатыўна адаб’ецца на ўсёй галіне, папярэджваюць у Hello Interview.

Спецыялістам-пачаткоўцам тут раяць вывучаць базу, каб павысіць свае шанцы. «Тэхнічная планка на пазіцыях для джунаў узляцела, таму валодаць фундаментальнымі алгарытмамі і структурамі дадзеных трэба абавязкова. Паспяховы прэтэндэнт-джун звычайна вырашае 150–200 задач па праграмаванні рознай ступені складанасці, перш чым яго запросяць на інтэрв’ю. Вы перш за ўсё павінны быць моцным кодэрам», — кажуць у Hello Interview. Плюс у тым, што да праходжання сумоўяў і тэстаў можна (і трэба) рыхтавацца — патрэбныя рэсурсы знаходзяцца ў вольным доступе, дадаюць там.