Па слядах Meta: Atlassian пазбаўляецца менеджараў — гэта закране каля 500 чалавек

Пра будучыя змены супрацоўнікам Atlassian паведамілі гэтай пятніцы. У яе знікнуць 480 менеджараў найніжэйшага звяна. Так аўстралійская кампанія палепшыць эфектыўнасць сваёй дзейнасці на фоне складанай эканамічнай сітуацыі.

Кіраўніцтва запэўніла супрацоўнікаў, што паніжаць заробкі ў выніку рэструктурызацыі не будзе.

Як адзначае выданне, большасць менеджараў будзе пераведзеная на пазіцыі ў распрацоўцы без людзей у падначаленні альбо атрымае павышэнне. Супрацоўнікі пакуль не сыходзяць з кампаніі, але ў такім выпадку Atlassian гатовая выплаціць ім выходную дапамогу.

Раней «год эфектыўнасці» абвясціла Meta, пасля чаго вырашыла выраўнаваць іерархію і скараціць пласт сярэдніх менеджараў. У іх адбіралі падначаленых і казалі ім узяць нейкую канкрэтную задачу або праект унутры кампаніі ці сыходзіць. Потым выраўноўваннем карпаратыўнай структуры занялася Salesforce.