Пошук Google цяпер дапамагае праверыць паходжанне выявы

Блок пакажа карыстальніку паходжанне карцінкі, метаданыя і кантэкст таго, як выява з цягам часу апісвалася навінавымі рэсурсамі і сайтамі праверкі фактаў. У блоку будзе паказана, калі карцінка ўпершыню індэксавалася Google, метаданыя дапамогуць разабрацца, ці ствараў выяву штучны інтэлект. Google ужо прапаноўвае функцыю «Пра гэты вынік», каб дапамагчы карыстальнікам правяраць тэкставыя крыніцы.

Адкрыць блок «Пра гэтую выяву» можна, выбраўшы адпаведны пункт выпадальнага меню ў выніках пошуку па малюнках. У браўзеры Chrome функцыю можна выкарыстоўваць праз націсканне правай кнопкай мышы або доўгае націсканне на выяву. У пошукавай праграме Google — праз жэст прагортвання ўверх. Цяпер функцыя знаходзіцца на стадыі тэсціравання.

Блок даступны для англамоўных карыстальнікаў па ўсім свеце, агульнадаступнымі функцыі стануць найбліжэйшымі месяцамі. Таксама кампанія пашырыла магчымасці функцыі Fact Check Explorer, якая прапаноўвае інструменты для праверкі фактаў з дапамогай загрузкі выявы або яе пошуку па URL-адрасе.

Кампанія выкарыстоўвае генератыўны AI для дадатковай інфармацыі пра інтэрнэт-крыніцы ў рамках пошукавай сістэмы Search Generative Experience. Гэтыя згенераваныя АІ апісанні будуць паказвацца ў блоку «Пра гэты вынік» у тых выпадкаў, калі існыя крыніцы, такія як «Вікіпедыя» або Google Knowledge Graph, не ўтрымліваюць інфармацыі пра невялікі сайт.