Прэзідэнт Польшчы Караль Наўроцкі падпісаў закон, які закранае становішча ўкраінцаў і іншых замежнікаў у краіне. Ён падаўжае «замарозку» тэрмінаў па ВНЖ да сакавіка 2027 года, піша DzikPic.
Прэзідэнт Польшчы Караль Наўроцкі падпісаў закон, які закранае становішча ўкраінцаў і іншых замежнікаў у краіне. Ён падаўжае «замарозку» тэрмінаў па ВНЖ да сакавіка 2027 года, піша DzikPic.
Закон пераносіць частку рашэнняў аб дапамозе грамадзянам Украіны ў агульны закон аб прадастаўленні абароны замежнікам. Дакумент падаўжае замарозку тэрмінаў разгляду спраў па візах або відах на жыхарства для асоб з Украіны да 4 сакавіка 2027 года. Гэтае рашэнне дазволіць ім законна падаць заяву аб ВНЖ ці іншых падставах для легалізацыі ў Польшчы да ўказанай даты. Дзяржаўныя органы па-ранейшаму будуць прымаць і разглядаць заявы, але могуць не прытрымлівацца ўсталяваных тэрмінаў.
Тэрмін замарозкі разгляду спраў на карты побыту таксама падоўжаць да гэтага дня.
Мінулай восенню таксама былі замарожаны тэрміны разгляду спраў аб міжнароднай абароне. Прыпыненне дзейнічае да 4 сакавіка 2026 года, але падаўжацца яно не будзе. Гэта значыць, рашэнні зноў будуць выносіцца на працягу 6 месяцаў з магчымасцю падаўжэння да 15 месяцаў.
Большасць палажэнняў закона ўступае ў сілу 5 сакавіка 2026 года.
Рэлацыраваліся? Цяпер вы можаце каментаваць без верыфікацыі акаўнта.