Кампанія Aylo Freesites, уладальніца платформаў Pornhub, Redtube і YouPorn, з сённяшняга дня прыпыняе паказ дарослага кантэнту ў Францыі. Такім чынам яна выказвае нязгоду з патрабаваннем мясцовых уладаў узмацніць праверку ўзросту карыстальнікаў, паведамляе Politico.
Кампанія Aylo Freesites, уладальніца платформаў Pornhub, Redtube і YouPorn, з сённяшняга дня прыпыняе паказ дарослага кантэнту ў Францыі. Такім чынам яна выказвае нязгоду з патрабаваннем мясцовых уладаў узмацніць праверку ўзросту карыстальнікаў, паведамляе Politico.
Французскія наведвальнікі сайтаў убачаць паведамленне з тлумачэннем такога кроку — кампанія не хоча ставіць пад пагрозу прыватнасць сваіх юзераў.
Раней улады абавязалі Aylo і іншыя кампаніі, што прадстаўляюць пікантны кантэнт, да 7 чэрвеня ўкараніць метады верыфікацыі ўзросту карыстальнікаў. Гэтае патрабаванне было сярод мер, прынятых яшчэ ў 2023 годзе. Французскі ўрад лічыць, што гэта дазволіць абараніць дзяцей ад неналежнага кантэнту.
Aylo супраціўлялася да апошняга — у 2024 годзе паводле колькасці аўдыторыі Pornhub Францыя займала 2-е месца ў свеце пасля ЗША.
Прадстаўнікі кампаніі на ўчарашнім брыфінгу назвалі французскі закон «небяспечным», «такім, што можа прывесці да парушэння прыватнасці», і «неефектыўным». «Мы павінны ставіць на першае месца ўласныя каштоўнасці, і гэта азначае, што трэба наўпрост сказаць французскім карыстальнікам тое, што ім адмаўляецца сказаць іх урад», — адзначылі яны.
Еўракамісія таксама працуе над рашэннем для верыфікацыі ўзросту. І яна таксама абвінавачвала Aylo у парушэнні Закона ЕС аб лічбавых паслугах у частцы абароны дзяцей.
Міністр лічбавай эканомікі Францыі Клара Шапаз ва ўчарашнім пасце ў Х абвінаваціла Aylo у хлусні і нежаданні падпарадкоўвацца закону. «Дарослыя вольныя спажываць парнаграфічны кантэнт, але не на шкоду абароне нашых дзяцей. Мы патрабуем ад парнаграфічных сайтаў верыфікаваць узрост карыстальнікаў не дзеля стыгматызацыі дарослых, а дзеля абароны дзяцей», — адзначыла яна.
Рэлацыраваліся? Цяпер вы можаце каментаваць без верыфікацыі акаўнта.
Прикрутить авторизацию через госуслуги
Иначе французам придётся *чить по памяти