У Беларусі з’явілася першая мабільная аплікацыя для праслухоўвання аўдыякніг на беларускай мове. Яна называецца «Чытанка» і была прадстаўлена на ХХХIII Мінскай міжнароднай кніжнай выставе-кірмашы, піша БелТА.
У Беларусі з’явілася першая мабільная аплікацыя для праслухоўвання аўдыякніг на беларускай мове. Яна называецца «Чытанка» і была прадстаўлена на ХХХIII Мінскай міжнароднай кніжнай выставе-кірмашы, піша БелТА.
У аплікацыі каля 155 беларускіх мастацкіх твораў, а ўсяго ў ім больш за 250 кніг, якія фарміруюць культурны фонд краіны і раскрываюць багацце беларускай мовы і літаратуры. У «Чытанцы» ёсць раздзел для самых маленькіх слухачоў з творамі дзіцячых пісьменнікаў на беларускай і рускай мовах. Праект распрацаваны пры падтрымцы Саюза пісьменнікаў Беларусі і Мінінфарма.
Аплікацыя даступная на Android і iOS і пастаянна абнаўляецца. Любімыя кнігі можна адзначыць і захаваць для хуткага доступу, а таксама падзяліцца імі ў сацсетках і месэнджарах. Ёсць функцыя рэгулявання хуткасці праслухоўвання і вяртання на месца, на якім карыстальнік спыніўся ў мінулы раз. Таксама ёсць раздзел, дзе знакамітых класікаў можна паслухаць у іх уласным выкананні.
У Саюзе пісьменнікаў лічаць, што аплікацыя будзе цікавая нават аматарам папяровых кніг. «Такія аплікацыі падыходзяць дарослым, дзеці якіх яшчэ не пачалі вывучаць творчасць класікаў. Таксама гэта магчымасць пазнаёміцца з творамі сучасных пісьменнікаў. Для аўтараў гэта цудоўная магчымасць наладзіць сувязь з чытачом, стварыць адчуванне жывой сустрэчы з добрай беларускай літаратурай», — адзначылі там.
Рэлацыраваліся? Цяпер вы можаце каментаваць без верыфікацыі акаўнта.