Алеся Чапкевич bel 24 сакавіка 2026, 12:26

У Акадэміі навук запусцілі сайт з беларускімі казкамі. Можна пачытаць і паслухаць

Цэнтр даследаванняў беларускай культуры, мовы і літаратуры НАН запусціў партал, на якім сабраны тэксты і аўдыязапісы беларускіх казак з 1960-х да 2000-х гадоў.

1 каментарый

У Акадэміі навук запусцілі сайт з беларускімі казкамі. Можна пачытаць і паслухаць

Цэнтр даследаванняў беларускай культуры, мовы і літаратуры НАН запусціў партал, на якім сабраны тэксты і аўдыязапісы беларускіх казак з 1960-х да 2000-х гадоў.

Праект называецца «Беларускія народныя казкі: сюжэтная шматстайнасць, каталагізацыя, сучасныя інтэрпрэтацыі». Праца вялася ў 2023–2025 гадах. Аўтары адзначаюць, што народныя казкі могуць быць інструментам фарміравання нацыянальнай ідэнтычнасці і выхавання павагі да фальклорнай спадчыны беларусаў у сучасным грамадстве.

Даследчыкі правялі велізарную працу па пошуку запісаў казак у розных сховішчах, рукапісы шукалі ў тым ліку ў каталогах найважнейшых архіваў Масквы і Санкт-Пецярбурга. «Сярод россыпу адзінкавых тэкстаў, каштоўных ужо фактам сваёй фіксацыі ў ХІХ стагоддзі, атрымалася займець копіі вельмі каштоўных дакументаў. Праведзена франтальная пошукавая праца ў архівах краіны», — дзеляцца аўтары.

Таксама гатовыя да друку тры салідныя тамы анталогіі «Беларускія народныя казкі».

Запісы казак, прадстаўленыя на сайце, зробленыя супрацоўнікамі Інстытута мастацтвазнаўства, этнаграфіі і фальклору НАН. Аўдыязапісы ідуць разам з расшыфроўкай і «пашпартам», у якім пазначаны дадзеныя аб апавядальніку, зборшчыку, месцы фіксацыі, захоўвання запісу і магчымай публікацыі. Казкі згрупаваныя па жанрах, напрыклад пра жывёл, чарадзейныя, па легендах, сацыяльна-бытавыя і іншыя.