Віншуем з паніжэннем: людзі ўсё часцей згаджаюцца на меншыя грошы дзеля працы
Усё больш офісных работнікаў пасля звальненняў вымушаны згаджацца на пазіцыі з заўважна меншай зарплатай, чым раней. Паказальны прыклад прыводзіць Business Insider: адзін з суразмоўцаў выдання пасля звальнення ў 2023 годзе адгукнуўся на 1600 вакансій, прайшоў 78 сумоўяў, патраціў амаль усе зберажэнні і ў выніку згадзіўся на кантрактную працу тэхнікам. Гэта на дзве прыступкі ніжэй яго ранейшай пазіцыі старэйшага менеджара і з зарплатай прыкладна ўдвая меншай — як пяць гадоў таму.
Усё больш офісных работнікаў пасля звальненняў вымушаны згаджацца на пазіцыі з заўважна меншай зарплатай, чым раней. Паказальны прыклад прыводзіць Business Insider: адзін з суразмоўцаў выдання пасля звальнення ў 2023 годзе адгукнуўся на 1600 вакансій, прайшоў 78 сумоўяў, патраціў амаль усе зберажэнні і ў выніку згадзіўся на кантрактную працу тэхнікам. Гэта на дзве прыступкі ніжэй яго ранейшай пазіцыі старэйшага менеджара і з зарплатай прыкладна ўдвая меншай — як пяць гадоў таму.
Па дадзеных аналітычнай кампаніі Revelio Labs, сярод офісных работнікаў, якія змянілі працу ў канцы мінулага года, 40% згадзіліся на зніжэнне зарплаты больш чым на 10%. Гэта самы высокі паказчык як мінімум за апошняе дзесяцігоддзе. Доля людзей, якія атрымліваюць супастаўныя павышэнні зарплаты, наадварот знаходзіцца на мінімуме.
Фармальна рынак працы выглядае нядрэнна — беспрацоўе ў ЗША каля 4,4%. Але за гэтай лічбай хаваецца іншая праблема: людзям, якія страцілі працу, стала значна складаней знайсці новую. Колькасць людзей, якія знаходзяцца без працы даўжэй 6 месяцаў, за тры гады амаль падвоілася. У выніку пасля доўгіх пошукаў многія згаджаюцца на пазіцыі, на якія раней нават не сталі б глядзець.
Адна з прычын — дысбаланс паміж саіскальнікамі і вакансіямі. Напрыклад, у снежні 7,5 млн беспрацоўных канкуравалі за 6,6 млн вакансій. Працадаўцы на гэтым фоне павышаюць запыты і ўсё часцей патрабуюць больш досведу. Па дадзеных Revelio Labs, у вакансіях для спецыялістаў сярэдняга ўзроўню кампаніі цяпер патрабуюць прыкладна на 10% больш досведу, чым тры гады таму, а для старэйшых пазіцый — на 11% больш.
Вымушаныя паніжэнні зарплаты могуць мець доўгатэрміновыя наступствы — эканамісты называюць гэта wage scarring, або «шнар на зарплаце»: будучыя павышэнні і новыя оферы часта разлічваюцца ад бягучага, больш нізкага ўзроўню даходу. Але пры слабым рынку працы для многіх галоўная рызыка — не зніжэнне зарплаты, а працяглае беспрацоўе.
Сітуацыю можа выправіць толькі аднаўленне рынку офісных прафесій, але пакуль гэтага не адбываецца. Наадварот, новыя скарачэнні працягваюцца: кампаніі скарачаюць персанал, у тым ліку спасылаючыся на ШІ, і на рынак выходзіць яшчэ больш спецыялістаў. Таму многія зараз проста спрабуюць замацавацца на новым месцы, паступова павышаць зарплату і спадзяюцца з часам вярнуцца на ранейшы ўзровень.
Рэлацыраваліся? Цяпер вы можаце каментаваць без верыфікацыі акаўнта.