Інжынер Google DeepMind Эндзі Коэнен прадставіў Isometric NYC — інтэрактыўную карту Нью-Ёрка, выкананую ў ізаметрычным піксель-арт-стылі, візуальна падобную да класічнай гульні SimCity 3000.
Інжынер Google DeepMind Эндзі Коэнен прадставіў Isometric NYC — інтэрактыўную карту Нью-Ёрка, выкананую ў ізаметрычным піксель-арт-стылі, візуальна падобную да класічнай гульні SimCity 3000.
Isometric NYC ахоплівае ўвесь горад і дазваляе маштабаваць выяву ад агульнага выгляду да асобных кварталаў. Цэнтральны парк, хмарачосы Манхэтэна і пазнавальныя будынкі кшталту 432 Park Avenue прадстаўлены ў выглядзе тайлаў, стылізаваных пад рэтра-гульнявую графіку. Коэнен заявіў, што мэта праекта была не ў аўтаматызацыі творчасці, а ў пазбаўленні ад рутыннай працы.
I wanted to share something I built over the last few weeks: https://t.co/QRqMK9CpTR is a massive isometric pixel art map of NYC, built with nano banana and coding agents.
— Andy Coenen (@_coenen) January 22, 2026
I didn’t write a single line of code. pic.twitter.com/97nOJPzF0u
Спачатку распрацоўшчык планаваў генераваць карту па спадарожнікавых здымках, выкарыстоўваючы мадэль Google Nano Banana, аднак сутыкнуўся з праблемамі несуадпаведнасці геаметрыі і «галюцынацый» ШІ. У выніку ён перайшоў на больш дакладныя 3D-дадзеныя Google Maps і навучыў кампактную мадэль на базе Qwen/Image-Edit, выкарыстоўваючы каля 40 пар уваходных і выходных выяў. Працэс танкай настройкі заняў каля чатырох гадзін і, па словах Коэнена, каштаваў прыкладна $12.
Для аўтаматызацыі працы ён таксама выкарыстоўваў ШІ-інструменты Claude Code, Gemini CLI і Cursor, адзначыўшы, што ў выніку «амаль не пісаў код уручную». Значная частка часу пайшла не на генерацыю выяў, а на аптымізацыю адлюстравання тайлаў, каб карта плаўна маштабавалася і не перагружала прылады карыстальнікаў.
Візуальна праект стварае добрае ўражанне на сярэднім узроўні набліжэння, аднак пры максімальным зуме становяцца заўважнымі характэрныя артэфакты генератыўнага ШІ. Сам Коэнен не лічыць гэта праблемай: па яго словах, ручное стварэнне такой карты заняло б у аднаго чалавека ўсё жыццё.
Распрацоўшчык падкрэслівае, што не разглядае ШІ як замену чалавечай творчасці. Наадварот, ён лічыць, што аўтаматызацыя рутынных этапаў можа вызваліць час для сапраўды асэнсаванай працы. «Калі кантэнт можна атрымаць націсканнем кнопкі, ён становіцца таварам з амаль нулявой каштоўнасцю. І менавіта таму я аптымістычна гляджу на ШІ і творчасць: калі складанае становіцца простым, галоўным адрозненнем становіцца любоў да справы», — тлумачыць ён.
Релоцировались? Теперь вы можете комментировать без верификации аккаунта.