EPAM апублікаваў фінансавую справаздачу за першы квартал 2025 года. Кампанія атрымала найбольшую выручку за апошнія 5 гадоў і палепшыла прагноз па даходах. Але чысты прыбытак значна знізіўся.
EPAM апублікаваў фінансавую справаздачу за першы квартал 2025 года. Кампанія атрымала найбольшую выручку за апошнія 5 гадоў і палепшыла прагноз па даходах. Але чысты прыбытак значна знізіўся.
За студзень—сакавік EPAM атрымаў $1,3 млрд выручкі. У параўнанні з аналагічным перыядам мінулага года яна павялічылася на $136 млн (альбо амаль на 12%).
І гэта не адзіныя пазітыўныя навіны.
Па-першае, выручка за першы квартал аказалася на $10 млн вышэйшая за аптымістычны прагноз. Па-другое, паказчык расце трэці квартал запар. Па-трэцяе, даходы кампаніі па выніках студзеня–сакавіка — максімальныя за апошнія 5 гадоў.
Прагноз даходаў на другі квартал — $1,32–1,34 млрд.
Яшчэ ў лютым кіраўнік EPAM Аркадзь Добкін, ацэньваючы бліжэйшыя перспектывы, заявіў, што кампанія працягне павялічваць тэмпы росту.
— Лічым, што 2025 год стане пераходным перыядам, калі кліенты будуць балансаваць паміж арыентацыяй на выдаткі і неабходнасцю паскорыць працэс трансфармацыі і GenAI, — адзначаў Добкін.
Паспяховы першы квартал падштурхнуў кампанію перагледзець і гадавы прагноз. EPAM чакае росту выручкі на 11,5–14,5% (раней прадказвалі 10–14%). Калі гэта спраўдзіцца, даходы кампаніі ўпершыню перавысяць $5 млрд.
Але чысты прыбытак EPAM па выніках першага квартала рэзка скараціўся. Калі ў студзені–сакавіку мінулага года кампанія атрымала $116,2 млн прыбытку, то ў першым квартале 2025-га — $73,5 млн (альбо на 37% менш).
Моцна паўплывалі курсавыя розніцы. Калі ў першым квартале мінулага года страты ад іх складалі $1,9 млн, то ў студзені–сакавіку гэтага года — больш за $10 млн.
Рэлакацыя — усё?
З 2022 года EPAM пачаў адлюстроўваць у сваёй справаздачнасці агульныя выдаткі на рэлакейт і праграму падтрымкі Украіны.
У 2022 годзе толькі на рэлакейт кампанія выдаткавала амаль $39 млн. Але потым выдаткі рэзка скараціліся. Ужо ў 2023 годзе яны склалі $1,8 млн, у 2024 годзе — $0,8 млн.
Упершыню за 3+ гады ў справаздачнасці кампаніі за першы квартал адсутнічаюць даныя пра выдаткі на рэлакейт.
Што тычыцца выдаткаў на праграму падтрымкі Украіны, то за 2022 год на гэтыя мэты кампанія выдаткавала каля $45 млн, у 2023 годзе — крыху больш за $17 млн, у 2024 годзе — $13 млн. У першым квартале 2025-га EPAM выдаткаваў $4,5 млн на гэтыя мэты.
У канцы мінулага года глабальная каманда EPAM налічвала 61,2 тысячы спецыялістаў. За год яна вырасла на 15% — у тым ліку дзякуючы угодам па куплі кампаній Neoris і First Derivative, а таксама інвестыцыям у найм (у прыватнасці, у Індыі). За першы квартал агульны штат вырас да 61,7 тысячы спецыялістаў.
Каманда вытворчых спецыялістаў EPAM павялічылася з 55,1 да 55,6 тысячы чалавек.
Рэлацыраваліся? Цяпер вы можаце каментаваць без верыфікацыі акаўнта.
Покупаем?
1 - покупаю
2 - лонгую
3 - в топку эту макулатуру )