Як быццам масавых скарачэнняў і пагрозы ШІ супрацоўнікам Amazon не хапіла: цяпер кампанія прымушае іх пераязджаць бліжэй да сваіх каманд і менеджараў пад пагрозай звальнення, даведаўся Bloomberg.
Як быццам масавых скарачэнняў і пагрозы ШІ супрацоўнікам Amazon не хапіла: цяпер кампанія прымушае іх пераязджаць бліжэй да сваіх каманд і менеджараў пад пагрозай звальнення, даведаўся Bloomberg.
Гаворка ідзе пра некаторых офісных супрацоўнікаў, якім давядзецца пераехаць у Сіэтл, Арлінгтан (штат Вірджынія) або сталічны Вашынгтон — часам праз усю краіну, распавядаюць суразмоўцы выдання. Патрабаванне даводзіцца на індывідуальных гутарках або сходах супрацоўнікаў, але масавую рассылку на ўсіх кампанія не робіць. Суразмоўцы выдання кажуць, што рэлакацыйная навінка закране тысячы супрацоўнікаў у розных падраздзяленнях. Людзі, у якіх дзеці ходзяць у школу, а мужы/жонкі таксама будуюць кар’еры, рабіць гэта, натуральна, не хочуць.
Прадстаўнік Amazon у каментары Bloomberg сказаў, што некаторыя каманды ўжо больш за год вядуць працу ў гэтым кірунку, каб усе працавалі разам і эфектыўней. Але паколькі ўсіх пад адзін грэбень нельга, мера ажыцяўляецца не ў маштабах усёй кампаніі.
Інфармацыю пра патрабаванне рэлакавацца супрацоўнікі распаўсюджваюць у карпаратыўных чатах у Slack. Адзін з іх напісаў, што яго камандзе менеджар даў 30 дзён, каб прыняць рашэнне. На звальненне або пачатак рэлакацыйнай працэдуры было дадзена 60 дзён. Прычым выхадную дапамогу тым, хто вырашыў сысці, не дадуць.
Прадстаўнік Amazon заявіў, што большасць працаўнікоў вельмі задаволеныя, што працуюць усе разам побач — незалежна ад таго, рэлакаваліся яны самі ці іх папрасілі. А таксама што кампанія дапамагае супрацоўнікам з улікам іх асабістых абставін.
З пачатку гэтага года Amazon абавязала офісных супрацоўнікаў быць на месцы пяць дзён на тыдзень. На момант анонсу патрабавання перамяшчацца бліжэй да нейкага канкрэтнага офіса не было. У кампаніі іх значна больш за тры, і яны па ўсёй краіне. Акрамя таго, некаторых супрацоўнікаў наймалі яшчэ падчас пандэміі на ўмовах аддаленай працы.
У ходзе двух раўндаў у канцы 2022 — пачатку 2023 года кампанія скараціла 27 тысяч супрацоўнікаў і дасюль перыядычна праводзіць кропкавыя скарачэнні меншых маштабаў. Як і патрабаванне вярнуцца ў офісы з дыстанцыйнай працы, загад пераязджаць прымусіць некаторых супрацоўнікаў сысці па ўласнай волі. Нядаўна гендырэктар Amazon Эндзі Джэссі заявіў, што тэхнагігант будзе змяншаць штат за кошт укаранення ШІ.
Рэлацыраваліся? Цяпер вы можаце каментаваць без верыфікацыі акаўнта.
Нужно ещё обязать жильё снимать у политкорректного владельца, в Вашингтоне у них цены кайфовые.
Амазон всегда была стремной конторой, тк рыба гниет с головы (Безос). Не пойму вообще туда люди идут работать, и еще больше - почему они потом возмущаются когда контракт пересматривают в одностороннем порядке