Бацькі плацяць 6-гадовай дачцэ за хатнюю працу і бяруць плату за жыллё — вучаць фінансавай граматнасці
Амерыканец Майкл Мэдэн з дзяцінства вучыць дачку, як працуюць грошы, і распавёў пра гэта ў TikTok. Гісторыю клапатлівага бацькі заўважыў vc.ru. У відэа 767 тысяч лайкаў, больш за 5500 каментароў і больш за 8 млн праглядаў.
Разам з дачкой Мэдэн вядзе табліцу са спісам спраў. Напрыклад, дзяўчынка павінна штодзённа засцілаць ложак, карміць ката, прыбіраць цацкі, навесці парадак на стале, праціраць тумбачку і дапамагаць з загрузкай пасудамыйнай машыны. І кожны тыдзень павінна мыць падлогу швабрай, чысціць каціны латок і навадзіць парадак у пакоі.
@michael_talksmoney DM me for the Budget Binder, Savings Challenge Binder, and Chore Chart links. I’ll send them right over! She pays rent. She tracks her chores. And yes, we make it fun like a game. She loves it. She’s motivated to do the same tasks she already should be doing, but now there’s a reward tied to it. She’s learning that money is earned, not given. And soon, we’ll teach her how to budget, save, and buy the things she wants, if she has the money for it. Because learning to work with money at 6 means she won’t struggle with it at 26. 💸
♬ original sound — Michael -IG michael_talksmoney
За кожную выкананую справу налічваецца адзін бал. За 25 балаў па выніках тыдня можна атрымаць $5, а за 30 — бонус у выглядзе стыкера або марожанага. $3 у месяц бацькі забіраюць у якасці платы за пражыванне, а яшчэ $1 — за камунальныя паслугі. Так яны хочуць паказаць, што акрамя «хацелак» траціць грошы прыйдзецца яшчэ і на «патрэбы»: «Спадзяюся, яна засвоіць, што грошы бяруцца не з паветра і патраціць усё і адразу нельга», — кажа блогер. На справе грошы адкладваюць на будучыя траты дзіцяці.
Паводле Мэдэна, маленькая дачка ўжо шмат разумее: што за жыллё трэба плаціць, электрычнасць таксама не бясплатная, а для пакупкі чагосьці буйнога часам даводзіцца назапашваць. Ён кажа, што дзяўчынка «ганарыцца» магчымасцю зарабляць і цешыцца, калі можа набыць тое, што хочацца.
Ён вырашыў распавядаць пра свой падыход да выхавання ў TikTok, каб гэты досвед маглі пераняць іншыя бацькі. Карыстальнікі разышліся ў меркаваннях: адны захапляюцца, хваляць за адказны падыход і прызнаюцца, што хацелі б атрымліваць такія ўрокі ў дзяцінстве. Скептыкі не разумеюць, навошта Мэдэн і яго жонка пазбаўляюць дачку дзяцінства і ўнушаюць ідэю, што самае галоўнае ў жыцці — гэта грошы, прымушаючы яе непакоіцца пра іх з ранняга ўзросту.
Читать на dev.by