Sega абвясціла пра куплю распрацоўшчыка Angry Birds

Sega выкупіць усе акцыі Rovio,  якія знаходзяцца ў абарачэнні, па цане 9,25 еўра за штуку, што прыкладна на 19% вышэй за іхнюю рынкавую цану да абвяшчэння ўгоды. Кіраўніцтва Rovio падтрымала гэтую прапанову.

Чакаецца, што купля распрацоўшчыка можа павялічыць долю Sega на рынку мабільных гульняў і паскорыць распрацоўку мабільных версій яе ўласных гульняў.

У заяве кампаніі пазначана, што гульні Rovio былі спампаваныя больш як 5 мільярдаў разоў. Франшыза Angry Birds была ліцэнзаваная для іншых забаўляльных і спажывецкіх тавараў.