Генеральны дырэктар Anthropic кажа, што штучны інтэлект піша 90% кода ў кампаніі. Але пакуль не замяняе праграмістаў

«Я прагназаваў, што праз 6 месяцаў 90% кода будуць пісаць ШІ-мадэлі. Некаторыя лічаць той прагноз памылковым, але ў Anthropic і ў шэрагу кампаній, з якімі мы супрацоўнічаем, цяпер так і ёсць», — адзначыў Амадэй. Сваё прадказанне ён агучыў у сакавіку.

Беніоф пацікавіўся, ці працягне гэтая лічба расці, і ці значыць гэта, што Anthropic стане патрэбна менш інжынераў. Амадэй заклікаў не «памыляцца» наконт здольнасці Claude пісаць код і выпраўляць багі.

«Калі Claude піша 90% кода, звычайна гэта значыць, што інжынераў вам патрэбна роўна столькі ж. Можа нават спатрэбіцца больш, таму што з імі вы можаце зрабіць больш», — сказаў Амадэй. Ён дадаў, што так інжынеры могуць сканцэнтравацца на астатніх 10%, якія складаюць рэдагаванне кода, напісанне найбольш складаных яго частак або кіраванне групай мадэляў. «Атрымліваецца, што ў выніку вы ў 10 разоў прадуктыўней», — патлумачыў генеральны дырэктар. Ён лічыць гэта не заменай інжынераў, а пераразмеркаваннем іх рэсурсаў.

У сакавіку генеральны дырэктар Y Combinator Гары Тан казаў, што прыкладна чвэрць заснавальнікаў з зімовага набору генеруюць да 95% з дапамогай ШІ. Аднак даследчыкі Стэнфарда лічаць, што распаўсюджванне ШІ-інструментаў ужо ўплывае на рынак працы, асабліва ў выпадку джуноў. А занятасць сярод распрацоўшчыкаў 22-25 гадоў упала амаль на 20% у параўнанні з піковымі значэннямі канца 2022 года, калі быў запушчаны ChatGPT. Распрацоўшчыкі са стажам менш уразлівыя перад ШІ.