€1500 за ліда. Колькі плацяць ІТ-кампаніі за прыцягненне новых спецыялістаў у каманду

EPAM

Мяркуючы з інфармацыі на сайце, рэферальныя праграмы дзейнічаюць у Амерыцы, Еўропе і Азіяцка-Ціхаакіянскім рэгіёне.

З пункта гледжання профіту самымі «дарагімі» з’яўляюцца ЗША, Канада і Японія. За новага супрацоўніка, які паспяхова прайшоў сумоўі і атрымаў офер, можна атрымаць бонус у памеры 2-2,2 тыс. долараў. 

За новых супрацоўнікаў у еўрапейскіх лакацыях бонусы ніжэйшыя — ад 500 да 1,5 тыс. еўра. 

Пры гэтым бонусы могуць залежаць не толькі ад канкрэтнай лакацыі, але і ад узроўню прыцягнутага спецыяліста. Напрыклад, бонус за прыведзенага ў штат ліда можа быць у тры разы вышэйшым, чым за мідла. 

Вось некаторыя прыклады бонусаў па рэферальнай праграме. 

• ЗША і Канада — $2200.
• Японія — $2000.
• Паўднёвая Амерыка — $800 (мідл), $1000 (сеньёр+).
• Грэцыя — €500 (мідл), €1000 (сеньёр), €1500 (лід).
• Харватыя — $1000.
• Чэхія — $880.
• Славакія — €800.

Exadel

На сайце кампаніі пазначана, што рэферальная праграма на дадзены момант распаўсюджваецца на пяць краін: Польшча, Балгарыя, Венгрыя, Грузія і Узбекістан. Таксама паведамляецца, што Exadel «актыўна працуе над яе пашырэннем на новыя краіны».

У рэферальнай праграме, як вынікае з тлумачэнняў на сайце кампаніі, могуць паўдзельнічаць толькі спецыялісты, якія не працуюць у гэты момант у Exadel. Для супрацоўнікаў кампаніі ёсць унутраная рэферальная праграма.

Памер бонусаў залежыць ад пасады і навыкаў кандыдата. Бонусы ў рамках рэферальнай праграмы кампанія выплачвае толькі пасля таго, як рэкамендаваны кандыдат паспяхова прайшоў трохмесячны выпрабавальны тэрмін.

Больш за ўсё можна зарабіць, калі дапамагчы ўладкавацца свайму пратэжэ ў Польскі офіс Exadel — 1700 долараў. Самыя нізкія «тарыфы» дзейнічаюць у Грузіі і Узбекістане — ад 500 долараў.

• Польшча — $1050-1700.
• Венгрыя — $970-1530.
• Балгарыя — €950-1500.
• Грузія — $500-1000.
• Узбекістан — $500-1000.

Іншыя кампаніі

Рэферальныя праграмы ёсць і ў іншых кампаніях. У прыватнасці, выплату бонусаў за прыцягненне ў каманду новых супрацоўнікаў абяцаюць у Wargaming, Coherent Solutions, Vention. Але канкрэтны памер бонусаў не пазначаецца.

Раней у Wargaming расказвалі, што каля 15-20% пазіцый кампанія закрывала з дапамогай рэкамендацый супрацоўнікаў. 

Раскажыце, а колькі плацяць у вашай кампаніі за прыцягненне новых спецыялістаў? Ці, можа быць, у вас ёсць асабісты досвед прыцягнення людзей у каманду і атрымання за гэта прэміі ад кампаніі? Напішыце нам у @devby_insight_bot, гэта ананімна.