Рынак працы хутка змяняецца з-за агентных ШІ-інструментаў: навыкі, якія яшчэ нядаўна лічыліся рэдкімі і высокааплатнымі накшталт праграмавання і аналізу дадзеных імкліва робяцца масавымі і аўтаматызуюцца. Уменне ствараць софт або здабываць інсайты з дадзеных за кароткі час перастала быць прыкметай унікальнай экспертызы, што ставіць пад пытанне доўгатэрміновую каштоўнасць чыста тэхнічных роляў, піша Financial Times.
Рынак працы хутка змяняецца з-за агентных ШІ-інструментаў: навыкі, якія яшчэ нядаўна лічыліся рэдкімі і высокааплатнымі накшталт праграмавання і аналізу дадзеных імкліва робяцца масавымі і аўтаматызуюцца. Уменне ствараць софт або здабываць інсайты з дадзеных за кароткі час перастала быць прыкметай унікальнай экспертызы, што ставіць пад пытанне доўгатэрміновую каштоўнасць чыста тэхнічных роляў, піша Financial Times.
Пры гэтым дадзеныя не пацвярджаюць распаўсюджанае меркаванне, што менавіта колькасныя і тэхнічныя навыкі забяспечваюць поспех на рынку працы. Даследаванне эканаміста Гарварда Дэвіда Дэмінга яшчэ ў 2017 годзе паказала, што найбольшую аддачу прыносяць сацыяльныя навыкі — і гэтая тэндэнцыя не толькі захавалася, але і ўзмацнілася да 2025–2026 гадоў. Прычым гэта справядліва ў тым ліку для навукі, інжынерыі і тэхналогій, а не толькі для гуманітарных прафесій.
Лепш за ўсё па занятасці і даходах адчуваюць сябе прафесіі, дзе спалучаюцца матэматычныя здольнасці і развітыя «мяккія навыкі» — сацыяльная чуйнасць, уменне каардынаваць працу, пераконваць і дамаўляцца. Наадварот, ролі з высокай лічбавай нагрузкай, але мінімальным чалавечым узаемадзеяннем, паказваюць больш слабыя вынікі. Хаця ў 1980-х перавага была ў «лічбавых» спецыялістаў.
Нават унутры тэхнасферы выйграюць не самыя вузкія эксперты, а тыя, чыя праца прадугледжвае супрацоўніцтва, крэатыўнасць і сумеснае вырашэнне складаных задач. У гэтым сэнсе бум у ІТ можна разглядаць не як рост попыту на кодынг сам па сабе, а як попыт на людзей, якія ўмеюць ужываць тэхнічныя веды ў камандным і міждысцыплінарным асяроддзі.
Па меры таго як ШІ аўтаматызуе ўсё больш колькаснай працы, усё каштоўнейшымі робяцца не формулы і функцыі, а больш шырокі набор уменняў — разуменне задач, генерацыя ідэй, камунікацыя і кіраванне праектамі. Менавіта гэтыя навыкі, а не чыста тэхнічная экспертыза, і будуць вызначаць прафесійную ўстойлівасць у бліжэйшыя гады.
Рэлацыраваліся? Цяпер вы можаце каментаваць без верыфікацыі акаўнта.
А теперь давайте отойдём от соевых профессий к реальному сектору и подумаем, какие навыки "будут определять профессиональную устойчивость" в металлургии, строительстве или ЖКХ - про потрепаться или техническая экспертиза сделать работу руками
Карыстальнік адрэдагаваў каментарый 14 студзеня 2026, 13:55
Мне кажется, хтота урот. Это где они в США видели программиста с оплатой труда $26/hr?