Супрацоўнікі Google высмейваюць брэндынг нейрасетак тэхнагіганта (мемы)

Днямі Google паказала новае сямейства АІ-мадэляў пад назвай Gemma — яны лягчэйшыя за Gemini, найбуйнейшую мадэлі тэхнагіганта, запушчаную тры месяцы таму, а іх зыходны код выкладзены ў адкрыты доступ. Незадоўга да гэтага Google пераназвала ў Gemini свайго АІ-чат-бота Bard, запусціла прасунутую яго версію Gemini Advanced (не блытаць з назвай мадэлі — Gemini Ultra), потым запусціла яшчэ адную прасунутую версію Gemini 1.5, прадукт для бізнэсу Gemini for Workspace, а супрацоўнікі атрымалі доступ да Goose — версіі Gemini для ўнутранага карыстання.

Лавіна назваў і рэлізаў, падобна, заблытала нават саміх гуглераў. Пра гэта яны жартуюць у мемах на карпаратыўным форуме Memegen.