Працаўнікі гігафабрыкі Tesla ў нью-ёркскім Бафала стаміліся ад таго, што з імі абыходзяцца, як з робатамі. Яны паведамілі гендырэктару кампаніі Ілану Маску, што хочуць сфармаваць прафсаюз.
Працаўнікі гігафабрыкі Tesla ў нью-ёркскім Бафала стаміліся ад таго, што з імі абыходзяцца, як з робатамі. Яны паведамілі гендырэктару кампаніі Ілану Маску, што хочуць сфармаваць прафсаюз.
Як піша Electrek, супрацоўнікі Tesla не ўпершыню хочуць стварыць прафесійнае аб’яднанне. Але ў асноўным гэта адбывалася на яе аўтамабільных заводах у ЗША, асабліва на галоўнай гігафабрыцы ў Фрыманце.
Прафсаюз працаўнікоў аўтамабільнай прамысловасці (UAW) апошнімі гадамі зрабіў некалькі няўдалых спроб арганізаваць ячэйку на заводзе — самым прадукцыйным па зборцы аўто ў краіне. Маск жорстка спыняе гэтыя спробы і раней намякаў, што пазбавіць супрацоўнікаў апцыёнаў за ўступленне ў прафсаюз.
Завод у Нью-Ёрку вырабляе фотаэлектрычныя элементы і зарадныя станцыі Supercharger. Тутсама сканцэнтравана амаль тысяча супрацоўнікаў, якія займаюцца разметкай даных для аўтапілота Tesla і беспілотнымі тэхналогіямі. Якраз яны і маюць намер аб’яднацца ў прафсаюз.
Электронны ліст з такім змесцівам яны накіравалі Ілану Маску ў аўторак. Супрацоўнікі запатрабавалі падняць заробкі і забяспечыць гарантыі занятасці, а таксама змякчыць умовы працы, якія шкодзяць іх здароўю. Стаўка спецыялістаў па разметцы даных у Tesla — ад $19 на гадзіну. Пры гэтым кампанія шмат гадоў спрабуе аўтаматызаваць працэс.
Адной з галоўных прэтэнзій стаўся строгі трэкінг людзей за працай — Tesla маніторыць націскі клавіш і час, які затрачваецца на задачы. Праз гэта супрацоўнікі баяцца адлучыцца ў прыбіральню, каб не псаваць сабе паказчыкаў.
Арганізавацца хочуць пры падтрымцы Workers United — прафсаюза, які дапамог сотням супрацоўнікаў крам Starbucks.
«Людзі стаміліся ад таго, што да іх ставяцца, як да робатаў», — адзначылі прадстаўнікі арганізацыйнага камітэта прафсаюза. Яны кажуць, што імкнуцца зрабіць усё як мага хутчэй. Пачалі з разметчыкаў, але плануюць падключыць каля тысячы супрацоўнікаў з вытворчасці.
Рэлацыраваліся? Цяпер вы можаце каментаваць без верыфікацыі акаўнта.
Software создается для контроля а не для свободы, а вы не знали? Но лучше бы игры кодили сидели...
Короч набрали 1000 никчемных бомжей по фоткам разметку тыкать, а тут опа на "Сотрудники потребовали поднять зарплату и обеспечить гарантии занятости, а также смягчить условия труда"