Супрацоўніцу «Пеленга» ўключылі ў «спіс экстрэмістаў»
На мінулым тыдні МУС уключыла ў «Пералік грамадзян Рэспублікі Беларусь, замежных грамадзян або асоб без грамадзянства, датычных да экстрэмісцкай дзейнасці» яшчэ 36 чалавек.
Сярод іх аказалася супрацоўніца «Пеленга» Карына Праташчык. Суд над ёй павінен быў пачацца 3 лютага ў Мінскім гарадскім судзе, ёй пагражае ад 4 да 12 гадоў пазбаўлення волі па абвінавачванні ў «закліках да дзеянняў, што наносяць шкоду Беларусі».
Карыне 29 гадоў, яна родам з Мінска, мае мужа і непаўналетняе дзіця. На «Пеленгу» яна працавала з 2017 года і займалася праверкай якасці аптычнай прадукцыі.
У спіс МУС таксама дадалі былых супрацоўніц «Тут Бай Медыя» Вольгу Лойка і Алену Талкачову. Цяпер у ім 5228 чалавек.
Завочны працэс па справе Лойка, Талкачовай і юрыдычнай кансультанткі партала Кацярыны Ткачэнка пачаўся ў Мінскім гарадскім судзе 4 лютага. Усе яны знаходзяцца за мяжой. Вынік суда невядомы.
Читать на dev.by