SpaceX забаранілі запускаць ракеты Falcon 9
Днямі ўпершыню за тры гады адбылася аварыя пры прызямленні павяртальнай ступені ракеты SpaceX Falcon 9. Палёт прайшоў штатна — спадарожнікі дастаўленыя на арбіту, і сама ступень садзілася як мае быць, але праз праблему са стойкай шасі яна перакулілася ў момант прызямлення. У выніку аварыі Федэральнае ўпраўленне грамадзянскай авіяцыі (FAA) ЗША прыпыніла ўсе запускі ракеты Falcon 9, піша 3DNews.
Агенцтва заяўляе, што гэта звычайная рэакцыя на анамаліі ў палётах. Ракета была запушчаная ў 03:38 па мясцовым часе з мыса Канаверал са спадарожнікамі Starlink на борце. Разгонная ступень вывела спадарожнікі на мэтавыя арбіты, але павяртальнай ступені, якая злятала ў космас ужо 23 разы, не пашанцавала. Першая ступень з бартавым нумарам B1062 у часе дотыку да палубы беспілотнай платформы ў акіяне перакулілася і працягнула гарэць — не адключыла рухавік, альбо адбылося ўзгаранне.
Восем гадоў таму вярнуць ракету на Зямлю для паўторнага выкарыстання лічылася цудам. Але цяпер у FAA паўстала заканамернае пытанне, чаму яна не прызямлілася. Там дадалі, што паведамленняў аб пацярпелых сярод насельніцтва або пашкоджанні грамадскай маёмасці не паступала, і запатрабавалі расследаванне.
Прыпыненне запускаў ракет Falcon 9 пагражае місіі Polaris Dawn, якая зацягваецца з розных прычын. Гэта мае быць гістарычны палёт капсулы Crew Dragon над полюсамі Зямлі без наведвання МКС.
Читать на dev.by